Amb Lou Bastimen (1859), Frederic Mistral, poèta eurofile, liurèt un testimòni vibrant de las relacions culturalas e economicas estreitas qu’unisson Catalonha, Balearas e Occitània. Sus la basa del tèxte inicial, los artistas acampats pel projècte - professionals coma amators, comedians, musicians, compositor...- propausaràn als publics un concèrt teatralizat que mèscla lengas e repertòris de l’espaci euroregional, per una experimentacion sensibla dels ligams qu’unisson aqueles territòris.
Lo projècte Lou Bastimen es sostengut per l'Euroregion Pirenèus Mediterranèa dins lo quadre de son apèl a projècte cultura 2024.
Del sègle XIX fins al mitan del sègle XX, vaissèls cargats d’iranges e d’autres productes agricòls quitavan lo pòrt de Sóller en direccion de los del sud de França per i faire comèrci.
Es l’istòria d’un d’aquestes vaissèls, originari de Marselha e qui quita Malhòrca, puèi que fa escala dins divèrses territòris euroregionals, que nos conta lo poèmi Lou Bastimen. A travèrs el, Frederic Mistral, poèta eurofil, liura un testimòni vibrant de las relacions culturalas e economicas estreitas qu’unisson Catalonha, Balearas e Occitània. Aqueste tèxte, redigit en occitan, foguèt tradusit en son temps en catalan per una poetessa malhorquina : Maria Antònia Salvà.
Los artistas acampats pel projècte Lou Bastimen, trabalharàn pendent una annada a compausar un concèrt teatralizat sus la basa del tèxte inicial.
L’objectiu, un espectacle d’1h15 environ, crosant las arts (musica, cant, teatre) e las lengas (occitan, catalan, francés, castelhan) mercés a la reünion d’artistas eissits de l’ensemble musical dels Xeremiers de Sóller (cornamusa de Malhòrca), de l’Escòla de Bodega de Vilardonèl (granda cornamusa de la Montanha Negra), del grope Aqueles e de la tropa teatrala l’Inestable Ceretana de Teatre.
D’aicí sa difusion finala las grandas etapas del processús creatiu de Lou Bastimen seràn partejadas amb lo public al travèrs dels malhums socials. Aitant de ressorsas vivas per descobrir l’envèrs de l’espectacle e accedir a de ressorsas variadas en lengas catalana, occitana, francésa o castelhana. Los publics escolars seràn pas doblidats puèi qu’un libreton de mediacion serà fargat e difusat parallèlament a la creacion finala.
Avril 2025 – Avril 2026 | Abril de 2025 - Abril de 2026
Résidences artistiques accueillies dans les territoires de l’Eurorégion
Residéncias artisticas aculhidas dins los territòris de l’Euroregion
(Béziers, Mallorca, Puigcèrda)
Second semestre 2026 | Segond semestre de 2026
Début de la tournée eurorégionale Lou Bastimen
Debuta de la virada euroregionala Lou Bastimen
Juin 2026 | Junh de 2026
Mise à disposition du livret de médiation autour de la création
Mesa a dispocision del libreton de mediacion a l’entorn de la creacion
Avril 2027 | Abril de 2027
Mise à disposition du répertoire « Patrimoine musical de Méditerranée »
Mesa a disposicion del repertòri « Patrimoine musical de Méditerranée »
Pagina Facebook del projècte : https://www.facebook.com/LouBastimen
Pagina Instagram del projècte : https://www.instagram.com/lou.bastimen/
Telecargar lo dorsièr de premsa en FR/OC : DP_LouBastimen_presentacion
Telecargar lo dorsièr de premsa en CAT/FR : DP_LouBastimen_presentation_catfr
Descobrir d'extraits legits : Video de descobrir aquí
