La Lengatèca : aprene, practicar e ensenhar l'occitan (metòdes, diccionaris, usuals, manuals, documents e ensages sus las practicas e situacions lingüisticas dins lo mond, bibliotèca de l'apreneire…).
Lo salon del Gai Saber : literatura e ficcion en occitan (edicion actuala, revistas, BD, teatre, libres sonòrs e tèxtes legits).
Musica e Cinèma : escota e practica musicala (mila ans d'una creacion variada, que recampa musica sabenta coma populara, creacion originala : CD, vinils, recuèlhs de particions, metòdes musicals) e creacion audiovisuala (documentaris, ficcions, filmes d'animacion…).
L’espace Estudis : coneissença e estudis (una bibliotèca enciclopedica d'estudi e de recèrca sus la lenga e la cultura occitanas, en occitan o sus l'occitan : Istòria, Lingüistica, Sociologia, Culturas de tradicion orala e populara…).
La Pichonetèca : l'espaci dels pichons (produccion editoriala pels mai joves : albums illustrats, kamishibais, romans, BD…).
Sala de recèrca : sala de consulta dels fonzes ancians e patrimonials, bibliografias e instruments de recèrca especializats per domenis e periòdes d'estudi.
Bibliotèca Robèrt Lafont : bibliotèca de l'escrivan, lingüista, òme de pensada e d'accion Robèrt Lafont (1923-2009).
Resèrvas : resèrvas patrimonialas tematicas (al nombre de 3) e equipaments d'archivatge numeric.
