CIRDÒC – Institut occitan de cultura

Acompanhament de projèctes

Dins l'encastre de sas missions, lo CIRDÒC – Institut occitan de cultura mena mantun projècte en favor de la salvagarda, de la coneissença e de la promocion de la cultura occitana en cooperacion amb los actors dels territòris e de las divèrsas filièras professionalas.
Lo CIRDÒC acompanha cada an mai d’un centenat d’accions en collaboracion amb de collectivitats, operators publics, universitats, associacions e contribuís al desvolopament de programas europèus o euroregionals.
Activitats
Acompanhament de projèctes

Las accions de cooperacion

Lo CIRDÒC – Institut occitan de cultura concep sas accions de cooperacion dins las condicions definidas per son projècte d'establiment e las mena a partir d'objectius convenguts amb las diferentas partidas beneficiàrias per :

Difusar e rendre accessibles las coneissenças, creacions, expressions culturalas occitanas dins lor diversitat e dins lo respècte del dreit dels creators

Promòure la lenga e la cultura occitanas pel desvolopament de las practicas culturalas d'expression occitana

Valorizar lo patrimòni documentari e immaterial occitan en relacion amb las colleccions e ressorsas recampadas per l'establiment.

Venir partenari del CIRDÒC

Tot organisme public o privat qu'a una existéncia legala pòt èsser partenari del CIRDÒC – Institut occitan de cultura. Per çò faire, li es propausat d'aderir a l'ofèrta collectivitats de l'establiment.

Cada projècte fa l'objècte d'una convencion determinant lo quadre de la cooperacion e los engatjaments dels partenaris e implica :

Un examèn prealable de la factibilitat tecnica e de la sostenibilitat budgetària de l'operacion

Un bilanç avalorant la coeréncia de l'accion amb las tòcas assignadas e, se s'escai, lo renovelament del partenariat.

De mai lo CIRDÒC - Institut occitan de cultura es atentiu a la complementaritat dels mestièrs e de las missions de las partidas beneficiàrias engatjadas dins la cooperacion, dins l'interès del projècte e de son desvolopament. L'establiment se pòt pas substituïr ni remplaçar los operators o de tèrces concernits dins lors objèctes e foncions.

Informacions practicas

chevron-upchevron-down