Lo Laboratòri ITEM de l'Universitat de Pau e de País d'Ador, lo CIRDIC – Institut Occitan de Cultura – Etnopòle occitan e la Direccion generau deus patrimònis deu Ministèri de la Cultura, qu'organizan dias de formacion suu Patrimòni Culturau Immateriau .
Viu e contemporanèu lo Patrimòni Culturau Immateriau (PCI) que compren, segon la convencion de l'UNESCO qui l'ei dedicada (2003), las practicas, representacions, expressions, coneishenças e saber-har – atau com los instruments, objèctes, artefactes e espacis culturaus qui'us son associats – que las comunautats, los grops e, se s'escad, los individús que reconéishian com hant partida deu lor patrimòni culturau.
Aqueth patrimòni culturau immateriau, transmetut de generacion en generacion, qu'ei recreat a contunhar per las comunautats e grops en foncion deu lor miei, de la lor interaccion dab la natura e de la lor istòria, e que'us procura un sentiment d'identitat e de continuitat, contribuint atau a promòver lo respècte de la diversitat culturau e la creativitat umana.
Arcans de l'UNESCO e deu Ministèri de la Cultura a l'enquèsta de terren; redaccion de ficas d'inventaris a l'elaboracion d'un dossièr de labellisacion ; realizacion d'archius bruts a la lor valorizacion per las atrunas numericas (sites, hialats sociaus) ; aquera formacion qu'abordarà las questions d'inventari e de sauvaguarda deu PCI tant aus plans teorics qui practics.
Lo patrimòni culturau immateriau impausant ua expertesa partatjada enter practicians, cercaires e institucions patrimoniaus, aquera formacion qu'aurà cada annada ua tematica particulara en foncion deu territòri dens lo quau s'organiza.
