Lo CIRDÒC - Institut occitan de cultura e l'Acadèmia de Montpelier an renovelat en 2025 per 5 ans lor convencion de cooperacion.
Bastida sus la complementaritat de las missions e competéncias de las doas institucions, atal coma mantuna experiéncia concrèta de collaboracion (projècte ERASMUS +, accions EAC, setmana de las lengas, setmana de la premsa, accions de formacion...) aquela convencion, iniciada en 2017, pòrta sus l'acompanhament de las equipas ensenhantas e lo desvolopament conjonch dels espleches d'animacion, de las practicas culturalas e de l'educacion artistica e culturala d'expression occitana al près de lors escolans.
Aquela collaboracion s'inscriu dins lo programa COOP-EDU de la carta de cooperacion del CIRDÒC - Institut occitan de cultura, en conformitat amb la carta per l'educacion artistica e culturala establida pel Naut Conselh de l'EAC, amb per objectiu primièr de permetre, sens prérequis lingüistic, cultural o social, lo rencontre del public jove amb los artistas, las òbras e las practicas culturalas d'expression occitana.
