Lo CIRDÒC - Institut occitan de cultura que’s liga a La Ciutat de Pau e Conta’m tà perpausar, cada mes, ua vrespada culturau tau joen public, aperat Qué hès dimèrcs ?, e qui s'inscriu dens la programacion culturau de l'Espaci Lecturas e Descobèrtas, la mediatèca occitana.
Qué hès dimèrcs ? qu'ei un temps dedicat a la descobèrta de la lenga e de la cultura occitanas dab la proposicion d'ua animacion culturau com un talhèr creatiu, un jòc a l'entorn deu Patrimòni Culturau Immateriau occitan, lecturas en occitan e francés, que’s hen a l'Espaci Lecturas e Descobèrtas, seguida generaument de la projeccion d'un filmòt d'animacion en occitan dab sostítols en francés a l'Estanquet, cafè de la Ciutat.
Qué hès dimèrcs ? qu'ei un format qui segueish l'actualitat culturau e literària locau e nacionau e qui s'inscriu dens temps hòrts de l’annada com lo Carnaval Biarnés, la Prima deus Poètas o enqüèra la Hèsta de la musica !
28/01 Lo Carnaval Biarnés - Creacion de la Monaca e jòc de platèu.
11/02 Hestau SF Les Mycéliades - La biodiversitat deu futur ! Talhèr creatiu e projeccion d’un filmòt d'animacion.
25/03 La Prima deus Poètas - Talhèr creatiu dab l’autora Eva Cassagnet e projeccion d’un filmòt d'animacion.
08/04 L’art de contar istòrias - Talhèr descobèrta suu conte et Contes de la Lande dab la contaira Isabelle Loubère.
13/05 La natura : mar e montanha - Talhèr creatiu e projeccion d’un filmòt d'animacion.
17/06 La Hèsta de la musica - Talhèr descobèrta sus la musica tradicionau e projeccion d’un filmòt d'animacion.
