Despuish junh de 2025, lo CIRDOC - Institut occitan de cultura qu’ei associat deu projècte Interreg Sudoe RESPIRA (2025-2028). Qu’ei un programa europèu destinat a botar en plaça accions de promocion deu patrimòni territorial de las zonas ruraus deu sud-oèst de l’Europa tà participar a la lor redinamisacion.
Ua delegacion de l’etnopole qu’èra a Pampaluna deu 8 au 10 de junh tà seguir los escambis dab los 8 autes associats europèus. Arron validacion de la nocion de capitau territoriau pendent la precedenta amassada a Barcelos en març de 2026, l’equipa que s’ei encuentada aqueste còp sus ua seria de documents tecnics. Au programa, reflexion sus la creacion d’ua plataforma tecnologica d’apredissatge, formacion deus professionaus deu patrimòni, construccion d’un plan d’accion territoriau e redaccion d’un plan de valorizacion deu patrimòni territoriau. Destinats a acompanhar agents territoriaus e elejuts, las realizacions de RESPIRA qu’en per objectiu d’estar applicables en quau que sia territòri rurau deu sud-oèst europèu.
Le séminari qu’estó completat per visitas de terrenh tà encontrar los professionaus e las estructuras (guides, ensenhaires, mediators, associacions) qui partatjan, hèn víver e inventan lo territòri cada dia. En aqueth encastre, l’Universitat Publica de Navarra, associat arcuelhant lo sejorn, qu’ei au còr d’un sistèma d’educacion au patrimòni e d’innovacion territoriau.
En perlongament dels escambis, dels rencontres sul terren amb los professionals del patrimòni
Informacion: etnopole@oc-cultura.eu
