"ESCOTAR-PARLAR, lo Laboratòri mobile de las lengas, qu'ei un projècte culturau e scientific qui consisteish a córrer lo territòri a bòrd d'un camion entà enregistrar conversacions e autes practics lingüistics de las vitas vitantas. Aquestas qu'an lòc en francés segur mes tanben dens las diferentas lengas de França, qu'ei a díser regionaus o de l'immigracion sustot."
Lo CIRDOC - Institut occitan de cultura que participi au desplegament d'aqueth camion deu ministèri de la cultura entà la preséncia de l'occitan au projècte. Dab l'ajuda deu Congrès permanent de la lenga occitana e de l'Ofici publica de la lenga occitana, que correram lo territòri entà presentar la diversitat lingüistica en França, la diversitat dialectau de l'occitan e de collectar los locutors au mes près de lor. Los non-locutors o los locutors passius ne seràn pas estremats pr'amor que los lors racontes ns'interèssan tanben. Ça-vietz participar ad aquera fotografia lingüista e culturau de la fin deu prumèr quart deu sègle XXI !
Entà ua prumèra experiéncia d'aqueth desplegament, que vam córrer Gasconha dens l'encastre de "La Passem !" 2026 e de son Los Mes de la lenga. Qu'ei considerat de perseguir aquera desmarcha au grat deus nostes partenaris en Occitània lingüistica sencèra entà que hè pròva de la riquessa de la lenga nosta.
Si aqueth projècte que vs'interèssa, que'ns podetz contactar a : etnopole@oc-cultura.eu
Que podetz trobar mes d'entresenha suu projècte ACÍ
