Dins l'encastre del Mes del filme documentari, la Mediatèca del CIRDÒC recep Amic Bedel, realizator e productor occitan fondator de l'ostal de produccion Piget Films. Vendrà presentar son trabalh a l'entorn de Biais, una seria documentaria de collectage que realiza e coprodutz amb France 3 dempuèi 2015.
« Lo tèrme "biais" en occitan evòca la manièra, l’abiletat, lo saber-far, lo don. Aquesta collecta es un omenatge a-n-aqueles multiples "biaisses" – aquelas manièras d’èsser, de far e de dire – que constituisson l’arma d’un territòri e d’una cultura. La collecta marca una atencion particulara als detalhs reveladors : parlars, expressions idiomaticas, gèstes tecnics, paisatges.»
Amic Bedel
Projeccion seguida d'una discutida amb la sala e d'un aperitiu convivial.
Un eveniment en partenariat amb l'associacion Tu Tanben.
