Dempuèi son lançament en 2024-2025 pel departament d'occitan de l'Universitat Paul Valéry de Montpelhièr, lo CIRDÒC - Institut occitan de cultura participa e acompanha lo Prèmi literari dels estudiants.
La seleccion es operada pels ensenhaires de l'UPV e las bibliotecàrias de la Mediatèca del CIRDÒC, a partir de las proposicions dels editors. Per permetre a la jurada d'estudiants de far sa causida pendent l'annada, lo CIRDÒC ofrís al departament d'occitan un exemplar de cada obratge de la seleccion, que se ven ajustar a lo qu'es ofèrt pels editors que participan.
1. Pròsa (imaginària, creacion ; nòva o roman, tèxte original en occitan, pas una revirada)
2. Publicat dins l'annada correnta, o l'an d'abans
3. Qualitat de lenga irreprochabla / pas de libre pauc o mal corregit
4. Almens doas autoras demest la seleccion globala
5. Atencion portada a la diversitat dialectala dins la seleccion globala
6. Que l'editor mande un exemplar a gratis a l'universitat
Los editors son sollicitats a partir del mes de junh e pendent l'estiu per prepausar las parucions de lor catalòg que correspondèsson als critèris. Las equipas de l'UPV e del CIRDÒC s'amassan en setembre per procedir a la seleccion entre aquestas. La jurada d'estudiants legís los obratges seleccionats e procedís al vòte abans los rencontres de Salinelles, ont son proclamats los resultats.
2025 : Magali Bizot, Novèlas Sornas (IEO 06) e Florian Vernet, Anamorfòsis (IEO Erau)
2026 : Martial Peyrouni, Los Sendareus de l'auba (Novelum)
Lo Prèmi literari dels estudiants de l’UPV Montpelhièr III torna e per aquesta tresena edicion, un còp de mai, representa moments de lectura dels bèls en perspectiva pels afogats de literatura.
I figuran :
- Viatge de Gargantuà delà Garona, Jan Dalhari. Letras d’òc.
- Mistèri, Sèrgi Gairal. Lo Grelh Roergàs.
- Larzac…Larzac… Georges Nespoulous. E…rau edicions.
- Copacap, Fabienne Vayrette. Reclams Edicions.
- País negat, Bernadette Romieu. IEO Edicions.
- Mount-Eiglun, Bernat Giély. Prouvenço d'aro.
La seleccion complèta es tanben de telecargar al format .pdf : te_tap_premiUPV_26
Lo nom del o de la laureata d'aquesta segonda edicion serà desvelada dins lo quadre dels Rencontres de Salinèlas 2027.
Un prèmi portat pel departament d'occitan de l'Universitat Paul-Valéry - Montpelhièr III amb lo concors del CIRDOC - Institut occitan de cultura.
