Per la tresena edicion del Festenal Hors Cadre, la Mediatèca occitana del CIRDÒC - Institut occitan de cultura vos convida a descobrir la mòstra De Flòra e d'Aiga del colectiu KOVisuel.
Nascudas d'una observacion pacienta, aquelas fotografias contan lo dialòg silenciós entre l'aiga e la flòra : la delicadesa d'una gota pendolanta, lo vam d'un brost jove. Una poesia discreta ont la fragilitat ribeja la fòrça tranquilla de la natura, e ont se revèla l'armonia subtila que nos faiçona tan coma nos despassa. Un convit a se meravilhar dels rebats, entre aiga e flòra, e a se raprochar del mond vegetal per lo comprene mièlhs e l'onorar.
La mòstra "De Flòra e d'Aiga" es lo fruch d'un trabalh de resdiéncia portat pel collectiu KOVisuel e lo Pargue de Lengadòc naut, amb lo sostem de la DRAC Occitania, de la Region Occitania e dels departaments de Tarn e d'Erau.
