Tresena edicion pel festenal Estivada portat per l'associacion La Gardarem.
Pendent tres jorns en Avairon, conferéncia, espectacles, concèrts, mas tanben exposicion o salon dels editors/associacions seràn tanben propausats dins la comuna de Sebasac.
Un programa complèt de retrobar sul site de l'eveniment : estivada.eu
Ongan atanben, l'establiment s'assòcia a l'eveniment. Torn d'orizont dels rendètz-vos de nos i retrobar :
Los Aperitius literaris del CIRDOC - Vilatge
Los Aperitius literaris del CIRDOC fan lor grand retorn lo divendres 24 e lo dissabte 25de julhet. De 12h a 13h, vos esperam al còr del vilatge occitan per dos aperitius que donaràn a veire e a ausir la diversitat de l'edicion occitana actuala.
Divendres 24/07 : Focus sul roman istoric amb Jacques Regourd per Los camins de l'exili (Ed. Lo Grelh roergàs) e Joan-Claudí Sèrras per L'Arqueta del divenc Marqués. Escambis animats per Marie-Jeanne Verny
Dissabte 25/07 : Onor a la poesia e a la diversitat lingüistica. Sèrgi Labatut vendrà presentar Lo Grand Aigat e Fraternitat, sortits en cò de Tròba Vox. Retorns sus Florilangues amb Marie-Jeanne Verny, antologia poetica sortida en cò de L'aucèu libre ongan.
Rdv a retrobar dins la brocadura "Los rdv literaris de l'Estivada" tan coma l'ensemble dels tempses fòrts literaris d'aquesta novèla edicion.
LA BROCADURA
Al sen del villatge occitan : camion Escotar-Parlar e dispositiu Prêts pour l'oc!
Lo CIRDOC, partenari de l'eveniment, vos i retrobarà, als costats de l'OPLO a l'entorn del projècte "Prêts pour l'oc" al mitan del villatge del festenal, e lo divendres e dissabte a miègjorn, per sos Aperitius literaris !
Vos presentarem tanben lo camion Escotar-Parlar, mes a disposicion per la DGLFLF, otís polit per faire descobrir la lenga occitana al public mas tanben, per realizar collectatges de la paraula per participar al Retrach sonòr de França.
Divendres 24/07 e dissabte 25/07
Tot lo detal e los rdv son de tornar trobar sus internet : estivada.eu
