Lo patrimòni occitan, son plan segur de manuscrits, de libres, de particions ; mas son tanben las correspondéncias, los enregistraments sonòrs amator, las fotografias o filmes de familha, las afichas de concèrt, los papierons reivindicatius que fan a l’ora d’ara encara nòstre quotidian.
Las colleccions del CIRDÒC son estadas constituidas gràcias a las contribucions de personas – particulars, escrivan-a-s, artistas, militant-a-s etc. – que lor tenguèt al còr de preservar e metre en partatge aqueste patrimòni cultural dins totas sas expressions. La valor e l’originalitat de las colleccions de la mediatèca interregionala occitana ven per una part granda d’aquesta constitucion participativa e populara.
Manlevar d’exposicions itinerantas
Per tal de far descobrir la cultura occitana dins tota la diversitat de sas expressions, lo CIRDÒC – Institut occitan de cultura concep regularament d’exposicions tematicas itinerantas novèlas que vos propausa al prèst, acompanhadas de ressorsas complementàrias, per enriquir vòstra programacion culturala.
Modalitats de prèst
Las exposicions son disponiblas al prèst amb soscripcion a l’ofèrta “collectivitat, persona publica, entrepresa o associacion aderenta” per l’ensemble dels centres culturals, bibliotècas, establiments escolars, associacions e establiments publics aderents que ne fan la demanda.
La signatura d’una convencion e la creacion d’una carta d’abonament “collectivitat” vos permeton de las manlevar. Lo transpòrt e l’assegurança demòran a la carga del manlevaire, al despart de la Mediatèca occitana (CIRDÒC-Besièrs).
De supòrts de comunicacion son tanben meses a la vòstra disposicion per tal de promòure l’exposicion alprèp dels vòstres publics. Las exposicions propausadas per la Mediatèca occitana pòdon d’un autre costat èsser enriquidas a vòstra demanda per una seleccion documentària, de còrpuses numerics al dintre del portal cultural occitan Occitanica.eu, e l’acompanhament dins la creacion d’un programa de conferéncias-debats.
Mai d’entresenhas : secretariat@oc-cultura.eu / 04.67.11.85.10.
Catalòg de las exposicions itinerantas
Istòria e civilizacion
Camins de trobar, tèrra de trobadors
Coproduccion CIRDÒC – CREMM
Flamenca, cap d’òbra occitan del sègle XIII
Gaston Fèbus, prince occitan
Mistral e Euròpa : la Renaissença d’òc dins la prima dels pòbles europèus
1907, la revòlta dels vinhairons en benda dessenhada
Coproduccion CIRDÒC – CS Prod – IEO Aude
Lengas de guèrra : l’occitan e las lengas de França dins la Granda Guèrra
Alienòr d’Aquitània, reina de las letras occitanas
La Canso de Sancta Fides
Coproduccion CIRDÒC – Centre Internacional de las Musicas Medievalas – Conservatòri d’aglomeracion de Besièrs-Mediterranèa
Los papièrs retrobats d’un mutin del 17e. De Besièrs a Gafsa : percors de soldats lengadocians
Occitans a la revista
Literatura
Lo Dire Amorós : antologia del dire amorós
Joan Bodon, escrivan
La Provença de Mistral
Clardeluna (Jeanne Barthès), « l’escriveta »
Coproduccion CIRDÒC – Musèu del Besierenc, Escolo Trencavel
Auguste Fourès e Prosper Estieu, « los grilhs del Lauragués »
Dins las piadas de Leon Còrdas
Marcelle / Anjela : Marcelle Delpastre e Anjela Duval
Coproduccion CIRDÒC – Associacion Rhizomes
Fabuloses trobadors
Arts e creacion actualas (Arts graficas, musica, arts vivas)
Ils soufflent dans les « cabras » et grattent les « cogordas » : natura e cultura del son en Occitània
De la natura de quauquas bèstias
Tèxtes Ives Roqueta ; òbras originalas de Pierre François
Jòga ! L’invencion d’un teatre popular occitan contemporanèu
Los passejaires de Pesenàs (projècte residéncia artistica en licèu)
Coproduccion CIRDÒC – MAREMAR – Region Lengadòc-Rosselhon – DRAC Lengadòc-Rosselhon – Licèu Jean-Moulin de Pesenàs
Musicas popularas : Ont se parla pas mai de “musica”
Patrimòni cultural immaterial, culturas regionalas vivas
Cultura viva : le patrimoine culturel immatériel en Languedoc-Roussillon
Coproduction CIRDÒC – Collectif Patrimoine et Création
Cultura viva, lo patrimòni cultural immaterial en Lengadòc Rosselhon
Coproduccion CIRDÒC – Collectiu Patrimòni e Creacion
Cultura viva : Fargaires de tradicions
Concebuda pel CIRDÒC amb la contribucion dels estudiants del Master d’Expertisa Etnologica del Patrimòni Immaterial de l’Universitat Jean Jaurès de Tolosa
Mai lèu, mai naut, mai fòrt : los espòrts tradicionals, un patrimòni viu
Coproduccion CIRDÒC – Region Occitània / Pirenèus-Mediterranèa
Los Amics de Joan de l’Ors (version lengadociana o gascona)
Coproduccion CIRDÒC / IEO Aude
