En França e a l’estrangièr, lo CIRDÒC – Institut occitan de cultura acompanha las collectivitats publicas e lors establiments, las associacions e las entrepresas dins lors projèctes de creacion o desvolopament de fonses documentaris :
- en lenga occitana ;
- de descobèrta o estudi sus la lenga e la cultura occitanas.
- Acompanhament per la concepcion de l’ofèrta :
1/ identificacion dels publics, usatges e practicas de satisfar ;
2/ integracion del projècte dins las missions e objectius de las vòstras activitats ;
3/ definicion de l’ofèrta documentària e culturala, de son evolucion dins lo temps ;
4/ identificacion d’accions de promocion e de valorizacion ;
5/ identificacion dels besonhs en ressorsas, aisinas e competéncias per assegurar la gestion e lo desvolopament de l’ofèrta dins la durada.
- Ajuda a la constitucion de l’ofèrta documentària, ajuda a las causidas e aquisicions :
1/ provision de seleccions e suggestions d’aquisicions qu’interèssan dirèctament las activitats del partenari e sos publics ;
2/ mesa a disposicion de ressorsas e documents jos la fòrma de depauses de longa durada ;
3/ servici permanent e a la demanda de conselhs sus l’ofèrta documentària e culturala occitana ;
4/ informacion suls provesidors e lors coordonadas.
- Formacion e assisténcia professionalas :
1/ informacion e accès a las formacions animadas pel Centre en partenariat amb d’organismes de formacion en direccion de las bibliotècas e gestionaris de fonses documentaris (lectura publica, patrimòni escrit, etc.) ;
2/ mesa en plaça d’accions de formacion adaptadas als besonhs del partenari e a la demanda sus de coneissenças e competéncias que correspondon als domenis d’activitat del Centre (dins lo cas qu’una ofèrta de formacion professionala equivalenta existisca pas) ;
3/ servici permanent e a la demanda de conselhs e d’informacion per d’accions de valorizacion del fons e de son contengut lingüistic e cultural en direccion dels publics ;
- Mutualizacion d’aisinas e donadas :
1/ possibilitat de mesa a disposicion d’un sistèma de gestion informatizat de bibliotèca o SIGB (gestion del catalòg, gestion dels prèstes, dels comptes aderents, etc.) ;
2/ formacion e assisténcia per l’utilizacion de las foncions del sistèma de gestion ;
3/ mesa a disposicion de notícias bibliograficas per integracion al vòstre catalòg o sistèma :
pels partenaris qu’an fach la causida de l’integracion al sistèma de gestion mutualizat, las donadas bibliograficas del catalòg son de fach a disposicion e utilizablas pel partenari ;
pels autres organismes : siá per recuperacion de las notícias bibliograficas pel protocòl Z39-50 ; siá per un expòrt de donadas bibliograficas per paquets als formats MARC o MARC XML.
Condicions d’accès :
- èsser una associacion, collectivitat o entrepresa aderenta a l’ofèrta del Centre
- elaborar un projècte qu’especifica las missions de vòstre organisme, los objectius del fons que volètz crear o desvolopar e los publics qu’auràn accès als documents e ressorsas, las condicions d’accès
- signar una convencion de cooperacion entre vòstre organisme e lo Centre
