EXPOSICIONS ITINERANTAS
Per tal de far descobrir la riquesa de la cultura occitana, de difusar las coneissenças, de promòure la literatura, la musica, lo teatre, las manifestacions immaterialas e vivas, lo CIRDÒC-Institut occitan de cultura vos propausa un ensemble d’exposicions itinerantas e de ressorsas d’acompanhament (filmes documentaris, objèctes, documents, etc.) per enriquir vòstra programacion culturala, vòstra ofèrta d’animacion, de talhièrs, de corses de lenga.
Descobrir lo catalòg complèt e las modalitats de prèst
MANLEVAR DE DOCUMENTACION OCCITANA
Las cartas « collectivitat, persona publica, entrepresa o associacion aderenta » vos permeton tanben de manlevar un ensemble documentari consequent (fins a 50 documents) per tal de propausar als vòstres publics de ressorsas documentàrias, de descobèrta o d’aprigondiment, a l’entorn del domeni occitan ; e de beneficiar dels servicis e de las aisinas professionals.
Per aderir, mercés de far una demanda a info@oc-cultura.eu
SELECCION(S) – SELECCIONS DOCUMENTÀRIAS TEMATICAS
Per tal de vos acompanhar dins vòstra seleccion documentària, los bibliotecaris e las bibliotecàrias del Centre vos propausan sa colleccion Seleccion(s), bibliografias tematicas e valorizacion de las darrièras sortidas culturalas. Sus demanda, podèm tanben realizar per vos de causidas de documents dins nòstras colleccions que correspondan als besonhs del vòstre projècte cultural o a la tematica sus la que trabalhatz. Aquestas guidas e seleccions tematicas son de retrobar dins la Bibliotèca numerica del portal collectiu Occitanica.
