MANLEVAR D’EXPOSICIONS ITINERANTAS
Per tal de far descobrir la riquesa de la cultura occitana, lo CIRDÒC-Institut occitan de cultura vos propausa un ensemble d’exposicions itinerantas e de ressorsas d’acompanhament.
Exposicions itinerantas
Per tal de far descobrir la riquesa de la cultura occitana, de difusar las coneissenças, de promòure la literatura, la musica, lo teatre, las manifestacions immaterialas e vivas, lo CIRDÒC-Institut occitan de cultura vos propausa un ensemble d’exposicions itinerantas e de ressorsas d’acompanhament (filmes documentaris, objèctes, documents, etc.) per enriquir vòstra programacion culturala, vòstra ofèrta d’animacion, de talhièrs, de corses de lenga.
Modalitats de prèst
Las exposicions son disponiblas al prèst, per l’ensemble dels centres culturals, bibliotècas, establiments escolars, associacions e establiments publics que ne fan la demanda. Una convencion e la creacion d’una carta « collectivitat, persona publica, entrepresa o associacion aderenta » vos permeton de las manlevar. Sols lo transpòrt e l’assegurança demòran a la carga del manlevaire, al despart de la Mediatèca occitana (CIRDÒC-Besièrs).
Un ensemble de supòrts de comunicacion son tanben meses a la vòstra disposicion per tal de promòure l’exposicion alprèp dels vòstres publics. Las exposicions propausadas per la Mediatèca occitana pòdon d’un autre costat èsser enriquidas a vòstra demanda per una seleccion documentària, de còrpuses numerics al dintre del portal cultural occitan Occitanica.eu, e l’acompanhament dins la creacion d’un programa de conferéncias-debats.
Mai d’entresenhas : secretariat@oc-cultura.eu / 04.67.11.85.10.
Accès dirècte : las exposicions en prèst
MANLEVAR DE DOCUMENTACION OCCITANA
Las cartas « collectivitat, persona publica, entrepresa o associacion aderenta » vos permeton tanben de manlevar un ensemble documentari consequent (fins a 50 documents) per tal de propausar als vòstres publics de ressorsas documentàrias, de descobèrta o d’aprigondiment, a l’entorn del domeni occitan ; e de beneficiar dels servicis e de las aisinas professionals.
Per aderir, mercés de far una demanda a info@oc-cultura.eu
Per tal de vos acompanhar dins vòstra seleccion documentària, los bibliotecaris e las bibliotecàrias del Centre vos propausan sa colleccion Seleccion(s), bibliografias tematicas e valorizacion de las darrièras sortidas culturalas. Sus demanda, podèm tanben realizar per vos de causidas de documents dins nòstras colleccions que correspondan als besonhs del vòstre projècte cultural o a la tematica sus la que trabalhatz. Aquestas guidas e seleccions tematicas son de retrobar dins la Bibliotèca numerica del portal collectiu Occitanica.
Mai d’entresenhas : info@oc-cultura.eu / 04.67.11.85.10.
MANLEVAR DE SUPÒRTS D’ANIMACION E EDUCATIUS
SUPÒRTS PROPAUSATS : Conte, kamishibaï, libre e lectura
- prèst de kamishibaïs en occitan (telecargar lo catalòg) e prèst de butaï pels kamishibaïs
- exposicion Los Amics de Joan de l’Ors e maleta albums joventut « conte »
- pichòta bibliotèca occitana portativa : en foncion del tèma, de l’atge, del dialècte, 100% adaptabla als vòstres besonhs, una seleccion d’obratges e supòrts de manlevar fins a 6 meses.
PER NE BENEFICIAR
L’ofèrta es disponibla per tot professional o organisme public o privat d’ensenhament, d’animacion, d’educacion artistica, d’accion culturala etc., gràcias a la creacion d’una carta « collectivitat, persona publica, entrepresa o associacion aderenta ».
Lo departament Produccions educativas e los bibliotecaris e las bibliotecàrias del Centre son a la vòstra disposicion per vos ajudar a seleccionar las ressorsas mai adaptadas al vòstre projècte.
educacion@oc-cultura.eu – 04 67 11 85 10
