Los catalògs e basas de donadas del CIRDÒC – Institut occitan de cultura

Las colleccions e ressorsas documentàrias del CIRDÒC – Institut occitan de cultura son referenciadas dins de catalògs e basas de donadas accessibles en linha.
> accès dirècte : Cercar dins las colleccions

Las donadas que concernisson las colleccions del CIRDOÒC – Institut occitan de cultura son tanben escampadas e accessiblas dins los grands catalògs collectius nacionals e internacionals.
> accès dirècte : Cooperacion e obertura de las donadas

Per cercar dins las ressorsas e documents accessibles en linha en version integrala, podètz utilizar lo motor de recèrca del portal Occitanica.

Cercar dins las colleccions : catalògs e basas de donadas

Lo CATALÒG – Catalòg general

Accès dirècte : catalog.oc-cultura.eu

Lo « Catalòg » referéncia totes los documents « editats » (libres, revistas, articles, brocaduras, disques e documents sonòrs, particions, vidèos e documents audiovisuals, etc.) tan coma los memòris e las tèsis universitaris, rapòrts e estudis oficials.
Constituís una basa importanta per la coneissença de la produccion occitana actuala, en faire, lo Centre, l’aquisicion e lo referénciament exaustiu de l’edicion literària, musicala, scientifica, documentària en occitan o d’estudi sus l’occitan.

Pels autres tipes de ressorsas (archius textuals, sonòrs, audiovisuals ; documents iconografics ; dorsièrs documentaris ; archius e ressorsas numerics) : veire las basas e los catalògs especializats çai-jos.

ARCHIUS – Catalòg dels archius e manuscrits

Accès dirècte : archius.oc-cultura.eu

Lo catalòg « Archius » referéncia los fonses d’archius e colleccions de manuscrits del CIRDÒC – Institut occitan de cultura. Conten tanben las colleccions iconograficas (fotografias, afichas, estampas, òbras d’art, cartas postalas) e los dorsièrs documentaris (dorsièrs tematics que contenon d’extraches de premsa, papierons, documentacion divèrsa, etc.)

MÈDIAS – Archius sonòrs, audiovisuals e numerics

Accès dirècte : medias.oc-cultura.eu

Lo catalòg « Mèdias » referéncia los fonses d’archius sonòrs, audiovisuals e numerics gerits per l’establiment : archius de ràdios e mèdias associatius, fonses d’archius sonòrs o audiovisuals d’associacions o personalitats, materials d’enquèstas lingüisticas o etnograficas, archius numerics.

Cooperacion e obertura de las donadas

Lo CIRDÒC – Institut occitan de cultura mena una politica de cooperacion e de difusion de sas donadas dins totes los projèctes qu’an per amira de facilitar l’accès dels publics a l’informacion e la documentacion occitanas.

Contribuís dirèctament a las basas e aisinas de recèrca  seguentas :

• CFR – Catalòg collectiu de França que permet de far de recèrcas simultanèas dins las colleccions de la Bibliotèca nacionala de França, de las grandas bibliotècas patrimonialas de las collectivitats territorialas francesas e del SUDOC, catalòg collectiu de las universitats e centres de recèrcas en França.
  ccfr.bnf.fr
• Sudoc – Sistèma universitari de documentacion que permet de far de recèrcas dins las colleccions de las bibliotècas universitàrias e centres de recèrca en França.
  www.sudoc.abes.fr
• Calames que permet de far de recèrcas dins las colleccions d’archius e manuscrits de mantuna universitats e centres de recèrca en França.
  www.sudoc.abes.fr
• OCLC – Worldcat, administrat per l’OCLC (Online Computer Library Center), aqueste catalòg mondial permet de recèrcas dins las donadas documentàrias escampadas per mai de 10 000 bibliotècas de pel mond.
  www.worldcat.org
• Gallica / Europeana : lo patrimòni escrit numerizat pel CIRDÒC – Institut occitan de cultura e mes en linha sus Occitanica es automaticament referenciat dins la bibliotèca numerica de la BnF Gallica e la bibliotèca numerica europèa Europeana.
• Ressorsas / Patrimònis en Occitània : las ressorsas numericas que concernisson lo patrimòni e lo territòri de la Region Occitània / Pirenèus-Mediterranèa son escampadas sul portal regional Patrimònis en Occitània.
  https://ressourcespatrimoines.laregion.fr/
• Palanca : Inspirat del tèrme comun en occitan e catalan, lo portal Palanca dona accès als tresaurs del patrimòni documentari servats per d’establiments de la region Occitània. Palanca es la frucha d’una cooperacion professionala entre bibliotècas, archius, musèus e establiments de conservacion del patrimòni escrit animada per l’agéncia regionala Occitània Libre e Lectura.
  https://palanca.occitanielivre.fr/
• BnF – Premsa locala anciana : Aqueste site, administrat per la Bibliotèca nacionala de França, repertòria los jornals d’interès local pareguts en França, de las originas fins a 1944. Lo site permet de far de recèrcas entre de milierats de títols de premsa locala, un accès cartografic e tanben lo ligam cap a las colleccions de premsa numerizada quand existisson.
  http://presselocaleancienne.bnf.fr/html/occitan
• FAMDT – Portal del Patrimòni oral : Aqueste portal vos permet de localizar de documents inedits, sonòrs o audiovisuals, registrats sul terren : de cançons, de contes, de musica e de dança, e de racontes de vida… Son extraches d’encontres entre collectaires e testimònis que transmetèron lors sabers dempuèi la debuta del sègle XX fins ara. Podètz escotar d’oras e d’oras de registraments inedits e consultar mai de 85 000 notícias de documents (archius sonòrs, vidèos, son editat, …)
  http://stq4s52k.es-02.live-paas.net/
• Basa interregionala del Patrimòni oral : La Basa interregionala del Patrimòni Oral dona accès a las colleccions d’archius sonòrs del patrimòni oral de sièis regions : Normandia, Borgonha, Auvèrnha, Lemosin, Lengadòc-Rosselhon, Ròse-Alps. La mesa en accès d’aquelas riquesas es realizada per d’estructuras associativas e territorialas que partejan totas lo meteis metòde de salvagarda e de valorizacion del patrimòni oral.
  http://patrimoine-oral.org/dyn/portal/index.seam?page=home

Guidas

Guida de las aisinas de recèrca documentària en domeni occitan

Produsida pel CIRDÒC – Institut occitan de cultura, aquesta guida propausa una cartografia de las ressorsas, basas de donadas e aisinas de recèrca dins totas las donadas que concernisson la lenga e la cultura occitanas.

Telecargar la Guida de las aisinas de recèrca documentària en domeni occitan

Repertòri del patrimòni documentari occitan : centres de ressorsas, fonses documentaris, òbras e còrpus remarcables

Lançat en 2010 dins l’encastre del Plan nacional pel patrimòni escrit (Ministèri de la Cultura) e del pòl associat CIRDÒC – BnF « Lenga e civilizacion occitanas », l’obrador de localizacion e senhalament dels centres de ressorsas e fonses occitans conservats dins las bibliotècas, archius, universitats, societats sabentas, centres especializats en França e a l’estrangièr contunha.
Las donadas suls centres de ressorsas e los fonses documentaris son publicadas sul portal Occitanica (compausanta « Enciclopedia ») : Accedir al Repertòri del patrimòni documentari occitan.

Sètz un centre de ressorsa, detenètz de fonses documentaris, còrpus o òbras remarcables en occitan, contactatz la còla del Pòl Patrimòni & Sabers per senhalar vòstre organisme e vòstras colleccions documentàrias : Nos contactar.

Repertòri del wèb occitan : sites, mèdias, blògs e portals de ressorsas

La Webotèca del portal Occitanica referéncia e vos permet de far de recèrcas dins lo wèb en occitan : Anar dins la Webotèca d’Occitanica.

Indèx de las personalitats literàrias, scientificas, intellectualas e politicas

de venir sul site del CIRDÒC – Institut occitan de cultura

Indèx dels collectius, grops e organismes occitans

de venir sul site del CIRDÒC – Institut occitan de cultura