Vita e Memòria deu Baish Ador : enquèstas audiovisuaus. Un projècte deu Pòle Patrimòni e sabers

Mosaïc Vie et Mémoire en Bas Adour

Començat en 2013, Vita e Memòria deu Baish Ador qu’ei un programa de collècta de testimònis audiovisuaus sus la vita e la memòria deu Baish Ador, au près de temoenhs occitanofònes d’aquesta region deus Pirenèus Atlantics. Aquesta comanda deu Departament deus Pirenèus Atlantics au CIRDÒC-Institut occitan de cultura, que cèrca a documentar, a preservar e a difusir la coneishença de las practicas e saber-har peus relats de vita deus temoenhs. Las enquèstas que son realizadas per Yvan Bareyre de l’Associacion Mémoire Vivante e professionaus de l’audiovisuau com Carolina Dufau o ÒCtele.

Las enquèstas que pòrtan sus la vita e los sabers deu fluvi Ador ; las practicas festivas ; los mestièrs e trajectòrias professionaus deus abitants deu parçan ; los conflictes deu sègle XXau ; las mutacions agricòla e industriau…

Aquestas enquèstas que hèn l’objècte de valorizacions produsidas peu CIRDÒC-Institut occitan de cultura e Mémoire Vivante (ceremonias de restitucion, projeccions…) en Baish Ador. Après tractament documentari peu CIRDÒC-Institut occitan de cultura, que seràn accessiblas au servici deus Archius departamentaus deus Pirenèus Atlantics atau com suus utís de mediacion numerica deu CIRDÒC-Institut occitan de cultura.

Cap de projècte : Marie-Alix Nicaise, Responsabla deu departament Archius oraus e documentacion etnografica

TwitterFacebookLinkedInPinterestTumblrEmail