« Tè ! » – Decobrissètz lo catalòg de la produccion culturala occitana

Fa mai de mila ans que la creacion en lenga d’Òc se tòrna inventar dins las mans de las e los que se’n sasisson. Es uèi dins aquel procediment, dins aquel borbolh permanent, tot d’escambis e d’ibridacions, que desiram vos convidar al fial de las paginas d’aquel primièr numèro.

Qu’es aquò, Tè ! ?

Tè! ? Es una forma de catalòg, mièlhs encara : un rendètz-vos partejat, dos còps l’an, entre los actors de la creacion occitana e los programators.

Tè! ? Es la veirina d’una creacion florissenta e divèrsa, qu’arrèsta pas d’explorar d’alhors novèls, aquí e ara, a travèrs sos rencontres.

Al fial de las paginas, classadas per grandas tematicas mas que los contenguts dialògan entre els d’un domeni a l’autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion…), mas tanben quand se fa lo miralh de la granda diversitat de l’expression occitana dins totas sas formas dialectalas, del provençal al gascon en passent pel lengadocian.

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d’artistas inedits, tot en demorant al mai pròche de l’actualitat.
Per fin de vos ajudar dins las vòstras causidas d’aquisicion e de programacion, aquelas presentacions seràn acompanhadas d’informacions tecnicas e de pictogramas que lo detalh es presentat sus la primièra pagina del catalòg. Caduna d’entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC – Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l’ofèrta a las collectivitats.

 

DESCOBRIR LO PRIMIÈR NUMÈRO DE TÈ! EN LINHA (version numerica) : AQUI

Còla de redaccion e contactes

Françoise Bancarel – Responsabla dpt documentacion contemporanèa e documentacion a distància | f.bancarel@oc-cultura.eu
Rémy Berdou – Responsable dels partenariats per l’Ethnopòle e de l’accion territoriala Gasconha-Pirenèus | r.berdou@oc-cultura.eu
Marion Cornet – Responsabla dpt Filmotèca, Iconotèca e Arts visualas| m.cornet@oc-cultura.eu
Sandra Juan – Responsabla cooperacion e servicis als professionals | s.juan@oc-cultura.eu
Marie-Alix Nicaise – Responsabla dpt archius oraus e documentacion etnografica |ma.nicaise@oc-cultura.eu
Jordan Saïsset – Responsable del dpt musica, patrimòni sonor e creacion actuela | j.saisset@oc-cultura.eu
Jeanne-Marie Vazelle – Responsabla produccions e cooperacion educaticas – accions jove public | jm.vazelle@oc-cultura.eu

TwitterFacebookLinkedInPinterestTumblrEmail

Dins lo quadre de la segonda fasa de desconfinhament,

la Mediatèca serà accessibla al public sus demanda a partir del diluns 8 de junh

dins lo respècte de las nòrmas sanitàrias.

Per conéisser tot lo detalh de la dobertura : Aquí

 

En parallèl, auretz totjorn accès al servici de
« Passatz-prene » (Drive) per tornar e manlevar de documents
(detalh : Aquí ).

E totjorn, los servicis contunhan tanben en linha sus :

oc-cultura.eu / occitanica.eu

Grandmercés a vos d'èsser comprensius

////////

Dans le cadre de la seconde phase de déconfinement,

la Mediatèca sera accessible au public sur demande à partir du lundi 8 juin

dans le respect des normes sanitaires.

Pour connaître tout le détail de la réouverture : Ici

En parallèle, vous aurez toujours accès au service de
« Drive » pour retourner et emprunter des documents
(détail : Ici).

Et toujours, les services se poursuivent également en ligne :

oc-cultura.eu / occitanica.eu

Merci pour votre compréhension