Setmana de la premsa al CIRDOC – Obertura de las inscripcions per las classas

Dins l’encastre de la setmana de la premsa dins l’escòla (18-23 de març de 2019), lo CIRDÒC s’associa als mèdias occitans per propausar als ensenhaires e a lors classas un cicle d’animacions a l’entorn de l’educacion als mèdias.

Doas accions seràn propausadas :

  • Reportaires en èrba
    (CM1 – CM2 – 6e – 5e)
    Lo 19/03/2019, la Mediatèca occitana aculhís una classa per una mièja-jornada (3h) per saupre tot suls mèdias occitans d’ièr e d’uèi. Transformats en reportaires multimèdia (ràdio, fòto, premsa escricha…), los jornalistas en èrba cobriràn lor visita e realizaràn un numèro de jornal en edicion especiala Visita a la Mediatèca occitana !
  • Radio Lenga d’òc recruta la relèva !
    (Del CM1 al licèus, escolans que se pòdon exprimir en occitan)
    Lo 21/03/19, Ràdio Lenga d’Òc enregistrarà al CIRDÒC, en public, una emission especiala consacrada als mèdias occitans e co-animada pels escolans. Entrevistaràn los jornalistas e professionals qu’òbran dins los mèdias en occitan dins tota lor diversitat : premsa escricha, audiovisuala, ràdio, web…
    2 intervencions preparatòrias de 1h30 seràn menadas per la còla de la ràdio dins caduna de las classas que participaràn. Las intervencions de Ràdio Lenga d’òc dins las classas son presas en carga per lo CIRDÒC.

Soi ensenhaire : cossí inscriure ma classa a l’un o l’autre dels talhièrs ?

Mandi ma demanda d’inscripcion a prod-edu@cirdoc.fr abans lo 21/02/2019 en precisar :

– mon establiment

– la classe concernida e son nivèl d’occitan

– l’activitat que m’interessa

 

TwitterFacebookLinkedInPinterestTumblrEmail