PROMETHEUS : Hèsta deth Huec deth Solstici d’estiu en eths Pirenèus

 

Eth CIRDOC – Institut occitan de Cultura – qu’ei partenari deth projècte PROMETHEUS qu’a coma tèma era Hèsta deth Huec deth Solstici d’estiu en eths Pirenèus. Aqueth projècte qu’ei finançat peth programa INTERREG V-A Espanha-França-Andòrra, POCTEFA 2014-2020. Qu’amassa dinc a ueit partenaris : Universitat de Lhèida (cap deth projècte), Universitat de Barcelona, Universitat de Perpinhan Via Domitia, Centre Internacionau de Recèrca e de Documentacion Occitanas (Lo CIRDOC – Institut occitan de Cultura), Generalitat de Catalonha – Departament de Cultura, Governament d’Andòrra – Ministèri dera Cultura, Conselh Generau d’Aran, Deputacion de Lhèida – Patronat de Promocion Economica.

Eth 1èr de deceme de 2015, era UNESCO qu’inscrivec ena Lista representativa deth Patrimòni Culturau Immateriau dera Umanitat eras « hèstas deth huec deth solstici d’estiu en eths Pirenèus », qu’arrecapta 63 localitats d’Andòrra (3), d’Espanha (17) e de França (34). Pera volentat deths portaires dera hèsta, que s’inicièc alavetz aqueth projècte e que’s materializèc per ua candidatura presentada peth Estat andorran, associat aths Estats espanhòu e francés. PROMETHEUS que resulta donc d’aquera reconeishença e que la vòu hèr mudar a travèrs dera innovacion transfronterèra miada peras universitats e eths centres d’arrecèrca. Eth son objectiu principau qu’ei de hèr conéguer ath mès de monde possible aquera practica gràcia a produccions de materiaus de formacion e de mediacion, repartidas en dus granes èishes : era creacion d’utisses de formacion inedits ath nivèu superior en auviatge dera educacion formala, e era concepcion e eth desvelopament de materiaus innovadors de mediacion, que tanhen aras Tecnicas dera Informacion e dera Comunicacion. PROMETHEUS qu’espladirà ua estrategia comuna e innovadora en auviatge deras sciéncias socialas, qu’ei encara de desvelopar cap aras hèstas deth huec en eth Pirenèus, entà enriquir eth patrimòni comun deths tres Estats e ajudar era activitat deras entrepresas e associacions culturalas deth territòri.

Ja podetz consultar eth compde instagram e eth siti dedicat ath projècte :
compde instagram : @prometheus_poctefa

Musèu virtuau : https://prometheus.museum/

TwitterFacebookLinkedInPinterestTumblrEmail
 

Dòna, sénher,

A partir del diluns 18 de genièr, en rason del cubrifòc a 18:00

la Mediatèca occitana clavarà sas pòrtas cada jorn a 17:30. 

Grandmercés a vos d'èsser comprensius

 

Los servicis en linha demoraràn accessibles pendent tota la periòde, sus : oc-cultura.eu / occitanica.eu

Per tota question, un guichet numeric es a la vòstra disposicion : occitanica.eu/question

////////

Madame, monsieur,

À compter du lundi 18 janvier, en raison du couvre-feu à 18:00

la Mediatèca occitana fermera ses portes chaque jour à 17:30. 

Nous vous remercions de votre compréhension.

Les services en ligne demeureront accessibles durant toute la période, sur : oc-cultura.eu / occitanica.eu

Pour toute question, un guichet numérique est à votre disposition : occitanica.eu/question