“Pass culture” collectiu : lo CIRDÒC – Institut occitan de cultura acompanha vòstres projèctes EAC

Lo pass Culture collectiu : un dispositiu de finançament per de projèctes EAC de la 4ena al licèu

 

En 2022, lo dispositiu pass Culture, desplegat de cotria pels ministèris de la Cultua e de l’Education nacionala, es estat generalizat a totes los de 15-18 ans del territòri francés e aumentat d’una part collectiva.

“Complementària amb la part individuala, la part collectiva del pass Culture permet als professors de finançar d’activitats d’educacion artistica e culturala per lors classas. Aqustla partida s’aplica als escolans de la quatrena a la terminala dels establiments publics e privats jos contrat. Es sus l’interfaci Adage que los professors pòdon reservar lor activitat.”

Un montant de gaireben 600 a 900€ per cada classa pòt atal èsser consacrat pels ensenhaires a un o mantun projècte d’educacion artistica e culturala encadrat.

Aquel montant forfetari se calcula amb coma basa lo efectius de las classas eligiblas. Los establiments escolars son liures de decidir de son utilizacion dins l’encastre de projèctes d’EAC que benefician  los escolans concernits.

Montants de la part collectiva del pass Culture per nivèl de classa e per escolan (en abril de 2022)

Classa

4ena 3ena 2ndaCAP 1ra Terminala
Montant 25 € 25 € 30 € 20 € 20 €

Per ne saber mai : explicacion del dispositiu sus Eduscol (pagina en francés)

Ensenhaires

Per reservar via lo pass Culture  una ofèrta d’EAC per vòstra classa, o per bastir un projècte amb un intervenent, vos cal utilizar la platafòrma Adage.

Artistas, actors culturals

Per poder preprausar d’intervencions finançadas pel pass Culture, vos cal èsser referenciats dins Adage, o que vòstra intervencion siá portada per una estructura referenciada. L’inscripcion se fa via la platafòrma professionnala del pass Culture : https://passculture.pro/ Sonque los ensenhaires pòdon accedir a la platafòrma Adage.

Esitets pas a senhalar als ensenhaires amb los quals volètz trabalhar que sètz referenciats dins Adage.

Pass Culture : pensatz a l’occitan ! Lo CIRDÒC – Institut occitan de cultura vos acompanha

L’EAC toca a las prioritàrias del CIRDÒC – Institut occitan de cultura coma de totas las institucions culturalas publicas. Aquelas accions dintran dins lo programa COOP-EDU de la carta de cooperacion de l’establiment (que se pòt consultar aquí), en conformitat amb la carta per l’educacion artistitca e culturala establida pel Naut Conselh de l’EAC e amb coma primièr objectiu lo de permetre, sens prerequesit lingüistic, cultural o social, lo rencontre del jove public amb los artistas, las òbras e las practicas culturalas d’expression occitana.

Lo departament Cooperacion educativa del CIRDÒC – Institut occitan de cultura acompanha los ensenhaires de totas las disciplinas, e que que siá lor localizacion geografica, dins l’elaboracion, la mesa en òbra e la valorizacion de lor projècte d’educacion artistica e culturala en ligam amb la cultura e la creacion d’expression occitana :

  • ajuda a la recèrca documentària, mesa a posita de documentacion e de supòrts de mediacion, proposicion de caminaments EAC transdisciplinaris en ligam amb las exposicions e los supòrts de mediacion concebuts pel CIRDÒC – Institut occitan de cultura (Sola la mesa a disposicion de supòrts fisics – manlèu d’obratges a la Mediatèca, d’exposicions, de supòrts de mediacion – alprèp de l’establiment escolat es condicionada a una adesion per l’annada) ;
  • ajuda a la recèrca d’intervenents culturals, artistics, scientifics (notadament via la constitucion de la basa artistas e intervenents de la FaBrica fabrica.occitanica.eu e del catalòg de la creacion Tè !) ;
  • ajuda a l’engenheriá de projècte cultural ;
  • mesa a posita d’aisinas en linha per la valorizacion e la mutualizacion dels projèctes menats (la Maleta, Daquidoc).

Es çò meteis  per l’acompanhament de vòstres projèctes d’EAC finançats pel pass Culture.

Se volètz en particular bastir un caminament EAC partent d’una exposicion, d’un supòrt de médiacion, d’un cicle tematic elaborat pel CIRDÒC – Institut occitan de cultura, en l’associar a de rencontres amb un.a intervenent.a en ligam amb la tematica abordada, vos prepausam un ofèrta referenciada pass Culture e que se pòt adaptar a vòstre projècte.

Dins l’Acadèmia de Bordèu, los ensenhaires se pòdon tanben emparar d’aquel dispositiu dins l’encastre de la ficha accion DAAC “Viure la cultura occitana”.

Mai d’entresenhas :

Jeanne-Marie VAZELLE – Responsabla produccions e cooperacion educativas – accions jove public

Pòl Publics & Cooperacion

prod-edu[at]oc-cultura.eu

 

 

 

 

 

 

TwitterFacebookLinkedInPinterestTumblrEmail