Pargue Natural Regional d’Aubrac – Conéisser e valorizar lo patrimòni cultural occitan

Dins lo quadre de sas missions d’engenhariá culturala, lo CIRDÒC – Institut occitan de cultura collabòra amb las collectivitats territorialas e lors establiments o gropaments, a l’entorn de la coneissença e de la mesa en valor del patrimòni cultural occitan present sus lor territòri.

Creats per protegir e metre en valor de grans espacis abitats als equilibris fragiles, los Pargues naturals regionals, signataris d’una carta (cf. https://www.parcs-naturels-regionaux.fr/les-parcs/charte-et-procedure-de-classement) s’organizan a l’entorn d’un projècte concertat de desvolopament durable, fondat sus la proteccion e la valorizacion de lor patrimòni natural e cultural.

Fondat en 2018, lo sindicat mixte PNR de l’Aubrac regropa 64 comunas repartidas sus doas regions administrativas (Regions Occitània e Auvèrnhe-Ròse-Alps). Desirós d’inclure la lenga e la cultura occitanas a son projècte cultural, lo PNR de l’Aubrac a sollicitat los actors occitans del domeni presents sul territòri del Pargue tal coma l’apuja del CIRDÒC – Institut occitan de cultura per fin de definir l’estrategia de desvolopament territorial relativa a aquelas questions.

La collaboracion entre l’EPCC (establiment public de cooperacion culturala) e lo PNR d’Aubrac s’inscriu dins un trabalh comun, menat en relacion amb l’ensem dels partenaris interregionals estructurants en matièra de lenga e de cultura occitanas (l’Ofici Public de la Lenga Occitana, Lo Congrès Permanent de la Lenga Occitana).

Aquel partenariat es destinat a trabalhar tant a la coneissença e al senhalament del patrimòni cultural occitan present sul territòri del Pargue Natural Regional, qu’a la sensibilizacion de totes los actors (lo public plan segur, mas tanben los actors e professionals) a aquela riquesa comuna.

TwitterFacebookLinkedInPinterestTumblrEmail
 

Dòna, sénher,

A partir del diluns 18 de genièr, en rason del cubrifòc a 18:00

la Mediatèca occitana clavarà sas pòrtas cada jorn a 17:30. 

Grandmercés a vos d'èsser comprensius

 

Los servicis en linha demoraràn accessibles pendent tota la periòde, sus : oc-cultura.eu / occitanica.eu

Per tota question, un guichet numeric es a la vòstra disposicion : occitanica.eu/question

////////

Madame, monsieur,

À compter du lundi 18 janvier, en raison du couvre-feu à 18:00

la Mediatèca occitana fermera ses portes chaque jour à 17:30. 

Nous vous remercions de votre compréhension.

Les services en ligne demeureront accessibles durant toute la période, sur : oc-cultura.eu / occitanica.eu

Pour toute question, un guichet numérique est à votre disposition : occitanica.eu/question