Memòria occitana deu COVID-19

Ua collècta qui s’adreça a totas e tots

L’EPCC CIRDÒC-Institut occitan de cultura, establiment public de vocation nacionau e internacionau qu’avia, dens l’encastre de la soa mission de documentacion e de centre de ressorsas, ua campanha de collècta de testimònis a grana escala, sus la pandemia de COVID-19 e lo son impacte sus l’occitan e la cultura occitana.

Aquera collècta que s’adreça a totas e tots, que’n siatz actoras/actors o publics : artistas de l’esfèra occitana, pairs e mairs de mainatges escolarizats en occitan, mainatges e adolescents, professionaus de la lenga, membres d’associacions, usatgèras e usatgèrs de las mediatècas, cercairas e cercaires, membres deu còrps ensenhaire, organizatoras e organizators d’eveniments culturaus…

> La campanha de collècta qu’ei ubèrta dinc au 31 d’aost 2020.

Un testimòni libre

Que poderatz atau liurar un testimòni libre per çò qui ei de l’impacte deu confinament e de la crisi sanitària sus la vòsta practica de l’occitan e de la cultura occitana. Qu’ètz libre d’ac realizar en francés o en occitan.

Que’ns podetz tanben enviar documents qui auratz causit entà completar lo vòste testimòni : dessenhs, poèmas, vidèos, memes, enregistraments sonòres, tèxtes suplementaris, fòtos…

Valorizacion

Aqueths testimònis e documents que poderàn apuish har l’objècte d’ua valorizacion : disponibilitat en consultacion despuish los sites fisics de l’establiment, mesa en linha suus sites administrats peu CIRDÒC-Institut occitan de cultura e suus sites e portaus partenaris deu projècte OCCITANICA, en especiau los grans portaus publics d’accès au patrimòni numerizat (portaus culturaus regionaus, nacionaus e europencs) e las applicacions derivadas.

Qu’avetz la possibilitat de demandar que lo vòste testimòni sia publicat de faiçon anonima.

Quin participar ?

> Que’vs prepausan duas opcions :

Opcion 1/ Enviada per corric :

Que podetz tornar lo formulari de testimòni + autorizacion de difusion empleats, e los eventuaus documents suplementaris, a l’adreça corric seguenta :

mem-covid@oc-cultura.eu

Formulari de testimòni : A teledescargar ací
Autorizacion de difusion : A teledescargar ací (a imprimir e a tornar scannerizada)

Opcion 2/ Formulari Google Forms :

O que podetz har l’afranquida via Google Forms (un compte Google que serà lavetz necessari pr’amor de la possibilitat de juntar documents) :

Formulari Google Forms : A plear ací


Ne sabetz pas qué díser ? Ací qu’avetz quauques exemples de pistas entau vòste testimòni (a títol informatiu e non obligatòri) :

Quau estó la vòsta situacion (familiau, professionau, associativa…) deu temps deu confinament ?
Quin l’embarrament impactè la vòsta practica de l’occitan, las vòstas practicas culturaus, la vòsta activitat ?
E profieitètz de las proposicions desmaterializadas (concèrts, ressorsas), e participètz (o se vatz participar) a iniciativas particularas ?
Qué vs’estó de manca o vs’ei de manca uei lo dia ?
En qualitat de pair o mair (occitanofòne o non), quin enquadratz o enquadrètz los vòstes mainatges per çò qui ei de la lor practica de l’occitan ? Quins utís /supòrts e vs’estón de manca dens l’acompanhament deu lor aprentissatge ?
La situacion e vs’a hèit pensar a çò qui ei de la situacion actuau o a viéner de l’occitan e de la cultura occitana ?
Quau ei lo vòste sentit generau sus la situacion ?
Qu’a cambiat (o qué va cambiar) per’mor d’aqueth periòde dens la vòsta faiçon de crear, de tribalhar ?


Mercés per la vòsta participacion !

TwitterFacebookLinkedInPinterestTumblrEmail
 

Dins lo quadre de la segonda fasa de desconfinhament,

la Mediatèca serà accessibla al public sus demanda a partir del diluns 8 de junh

dins lo respècte de las nòrmas sanitàrias.

Per conéisser tot lo detalh de la dobertura : Aquí

 

En parallèl, auretz totjorn accès al servici de
« Passatz-prene » (Drive) per tornar e manlevar de documents
(detalh : Aquí ).

E totjorn, los servicis contunhan tanben en linha sus :

oc-cultura.eu / occitanica.eu

Grandmercés a vos d'èsser comprensius

////////

Dans le cadre de la seconde phase de déconfinement,

la Mediatèca sera accessible au public sur demande à partir du lundi 8 juin

dans le respect des normes sanitaires.

Pour connaître tout le détail de la réouverture : Ici

En parallèle, vous aurez toujours accès au service de
« Drive » pour retourner et emprunter des documents
(détail : Ici).

Et toujours, les services se poursuivent également en ligne :

oc-cultura.eu / occitanica.eu

Merci pour votre compréhension