L’Espaci Lecturas e Descobèrtas qu’alanda las pòrtas

Obertura Espaci Lecturas

Lo CIRDOC–Institut occitan de cultura que desvolòpa un navèth equipament de lectura publica dens l’encastre de la soa installacion a La Ciutat creativa de la cultura bearnesa a Pau, plaça Recabòrda, au còr de vila.

Lo dimèrcs 2 de Març, L’Espaci Lecturas e Descobèrtas qu’alandarà las pòrtas e que prepausarà un catalògue diversificat qui presenta l’actualitat literària e culturau occitana tota. Dab la soa seleccion de la produccion musicau e audiovisuau actuau de las vastas, los visitors que poderàn tanben (tornar) descobrir la grana diversitat de la scèna creativa d’òc. Un còrn Joenessa qu’obrirà l’accès a obratges de partatjar en classa o en familha. D’auta part, mantuns utís lingüistics destinats a l’aprentissatge o a la transmission que seràn disponibles quin que sia lo nivèu de practica o besonh de formacion.

Lo partenariat enter lo CIRDOC – Institut occitan de cultura e lo Hialat de las mediatècas de l’Aglomeracion Pau-Bearn-Pirenèus que permeterà a tot usatgèr deu hialat d’emprontar dab la soa carta personau dens las medishas condicions de reservacion e d’empront.

Pendent quauques setmanas enqüèra en fasa tèst, l’equipament que serà ubèrt au public deu dimèrcs au divés de 14 h a 18 h e, en un purmèr temps, que serà ubèrt a la consultacion sus plaça sonque.

Atau, divèrs servicis qu’apareisheràn dens las setmanas a viéner abans ua alargada de las horcas oràrias.

Informacions practicas

Bastiment Ciutat – Aprenem !, plaça Recabòrda, 64000 Pau

Oraris : deu dimèrcs au divés, 14h00-18h00

Mei d’informacions : secretariat@oc-cultura.eu / 05.59.13.06.40

Espaci Lecturas e Descobèrtas Espaci Lecturas e Descobèrtas Espaci Lecturas e Descobèrtas Espaci Lecturas e Descobèrtas

TwitterFacebookLinkedInPinterestTumblrEmail
 

Mediatèca occitana (CIRDOC - Institut occitan de cultura, Besièrs)

Per totjorn mai de servicis, la còla del CIRDÒC - Institut occitan de cultura es en seminari e formacion intèrnes.

Tampadura excepcionala de la Mediatèca diluns 3 e dimars 4 d'octòbre.

Los servicis en linha demòran accessibles sus Occitanica.eu

Mercés de vòstra compreneson

 


Etnopòle (CIRDOC - Institut occitan de cultura, Pau)

Tà tostemps mei de servicis, la còla del CIRDÒC - Institut occitan de cultura es en seminari e formacion intèrnes.

Barradura excepcionau de l'Espaci Lecturas e Descobertas diluns 3 e dimars 4 d'octobre.

Los servicis en linha demòran accessibles sus Occitanica.eu

Mercés de vòsta compreneson

 


Pour toujours plus de services, l'équipe du CIRDOC - Institut de cultura est en séminaire et formation internes.

Fermeture exceptionnelle de la Mediatèca occitana (Béziers) et de l'Espace Lectures et découvertes (Pau)

lundi 3 et mardi 4  octobre.

Les services en ligne restent accessibles sur Occitanica.eu

Merci de votre compréhension s de vòstra compreneson