Desconfinar los archius oraus

Deconfiner-les-archives

Dimars 6 d’abriu, lo CIRDOC-Institut occitan de cultura qu’arcuelhè en residéncia documentària au Cinèma Le Méliès de Pau, Roman Baudoin, Manu Théron e Ernest Bergez àlias Sourdure entà un « desconfinament deus archius oraus » organizat dens l’encastre deu Seminari annau en etnomusicologia de la França e deu Petit Rambalh de Sent Martin.

La descobèrta e l’escambi que pòrtavan sus las enquèstas etnomusicologicas de l’ancian Musèu nacionau de las arts e tradicions popularas, uei Mucem, valorizadas dens l’encastre deu programa Les Réveillées presentat per l’archivista e istorian François Gasnault, e suus archius sonòres de Peluts occitans (1915-1918) deu LautArchiv de l’Universitat Humboldt de Berlin presentadas per Joan Jaques Casteret, etnomusicològue e director de l’Etnopòle occitan.

Los tres artistas qu’an tribalhat a la reinterpretacion de las collèctas pendent las jornadas deu dimèrcs e deu dijaus. Ua sortida de residéncia filmada per Òctele e difusada en dirècte suus hialats sociaus que seguí lo dijaus ser dens l’encastre deu “Petit Rambalh de Sent Martin” coprodusit per La Ciutat, Hart Brut, lo Collectiu Ça-i e lo CIRDOC-Institut occitan de cultura :

La captacion de l’encontre-escambi dab François Gasnault e Jean-Jacques Castéret que serà disponibla lèu.

Petit-Rambalh

TwitterFacebookLinkedInPinterestTumblrEmail