La Lengatèca, un espaci per aprene e practicar la lenga occitana a la Mediatèca del CIRDOC

La Lengatèca es un espaci novèl adobat dins la mediatèca del CIRDÒC, son objectiu es de respondre als besonhs dels aprenents e dels formators en lenga occitana amb un espaci d’informacion e una ofèrta de prèst mai rica e mai accessibla.
La Lengatèca prepausa en accès dirècte totes los essencials per aprene e practicar l’occitan : diccionaris, manuals, gramaticas, vocabularis e lexics tematics, punts de lenga, metòdes d’autoformacion.
Per acompanhar l’aprendissatge de la lenga occitana, la Bibliotèca de l’aprenent met a disposicion una causida de libres de ficcion, aisits d’accès per los que començan – romans corts, novèlas, contes, poesias, BD – una seleccion de primièras lecturas, classats del nivèl A2 als nivèls B1-B2.
Un taulièr pels professionals : pels ensenhaires e formators, la Lengatèca prepausa d’obratges e de revistas pedagogics, de manuals d’ensenhament de l’occitan, per totes los nivèls e totes los dialèctes e de manuals en occitan per ensenhar totas las disciplinas en occitan (matematicas, sciéncias, istòria…) Aquela ofèrta es acompanhada d’otisses pedagogics : maletas , kamishibai, afichas escolaras. etc.
Pels curioses de diversitat lingüistica, lo canton de la bibliodiversitat prepausa ressorsas e informacions nombrosas sus las lengas de França, d’Euròpa e del Monde.

TwitterFacebookLinkedInPinterestTumblrEmail
 

En rason de l'epidèmia de coronavirus,
la Mediatèca vos met a disposicion
un sistèma de « Passatz-prene » (Drive) per tornar e manlevar de documents
dins l'espèra de sa reobertura complèta.
Detalh d'aquel servici aquí

Los servicis contunhan tanben en linha sus :

oc-cultura.eu / occitanica.eu

Grandmercés a vos d'èsser comprensius

////////

En raison de l'épidémie de Coronavirus,
la Mediatèca met à votre disposition
un système de « Drive » pour retourner et emprunter des documents
dans l'attente de sa réouverture complète.
Détail de ce service ici

Les services se poursuivent également en ligne :

oc-cultura.eu / occitanica.eu

Merci pour votre compréhension