Cooperacion dab los Archius departamentaus deus Pirenèus Atlantics

Cassettes anciennes

Un projècte deu Pòle Patrimòni e sabers

Dens l’encastre de las soas missions d’etnopòle, lo CIRDÒC-Institut occitan de cultura qu’efectua missions d’assisténcia a mestresa d’obratge e mestresa d’òbra au près de las institucions patrimonias qui consèrvan hons occitans.

Lo CIRDÒC-Institut occitan de cultura qu’asssista los Archius departamentaus deus Pirenèus Atlantics dens las proceduras d’aquisicion deus hons d’archius oraus occitans qui concèrnan lo son territòri, en especiau peu senhalament deus hons e l’acompanhament deus productors. En suberpès, lo CIRDÒC-Institut occitan de cultura que’s carga deu tractament intellectuau deus hons aquesits per la realizacion d’inventaris e instruments de recèrca.

Aquesta cooperacion que concèrna un quinzenat de hons sonòres e audiovisuaus qui representan mantuns milenats d’òras d’enregistrements. Los instruments de recèrca e la documentacion tractada qu’an tà tòca d’estar accessibles en linha.

Cap de projècte : Marie-Alix Nicaise, Responsabla deu departament Archius oraus e documentacion etnografica

TwitterFacebookLinkedInPinterestTumblrEmail