Oraris
La Mediatèca es obèrta a totes los publics (dintrada liura e gratuita) :
- lo diluns de 13:30 a 18:00
- del dimars al divendres de 10:00 a 18:00
Obertura sus rendètz-vos
Sètz un grop (professionals, escolars, associacion), cercaire o cercaira, estudiant-a, professional-a e volètz accedir a nòstras colleccions e servicis en defòra de las oras d’obertura : trantalhetz pas a nos contactar per prene rendètz-vos amb lo servici concernit e beneficiar d’una ofèrta adaptada als vòstres besonhs.
Veire tanben : Visitas de grop e acuèlhs escolars
Tampaduras annadièras
- La Mediatèca es tampada los jorns festius.
- Vacanças d’ivèrn : del 21/12/2019 al 05/01/2020
Accès
- Dintrada del public
Plaça del 14-Juillet, 34500 Besièrs - Accès estacionament visitaires
Un parc d’estacionament es a la vòstra disposicion darrièr lo bastiment. Per i accedir, sufís de vos senhalar en utilizant l’interfòn situat a l’esquèrra del portal de dintrada.
Accès estacionament visitaire : 1 bis baloard Bertrand Duguesclin, 34500 Besièrs. - Adreça postala e contactes : Nos contactar
Plan d’accès
Telecargar lo plan d’accès
- Venir en bus :
Las linhas de bus B, 10 e 12 de la ret de transpòrts de la Comunautat d’Aglomeracion Besièrs-Mediterranèa permeton d’anar a la Mediatèca del CIRDÒC – Institut occitan de cultura (arrèst : « Médiathèque »).
Preparatz vòstre itinerari sul portal de la ret dels transpòrts urbans de la Comunautat d’Aglomeracion Besièrs-Mediterranèa : https://beemob.fr/
- Venir en bicicleta :
Lo parc d’estacionament visitaire de la Mediatèca es equipat d’emplaçaments per bicicletas.
La Comunautat d’Aglomeracion Besièrs-Mediterranèa a mes en plaça sièis itineraris per bicicletas que permeton d’anar al pòle cultural e universitari del Camp de Març (CIRDÒC – Institut occitan de cultura, Mediatèca d’aglomeracion André-Malraux, IUT, Antena universitària Du-Guesclin).
Veire los itineraris per bicicletas sul site de la Mediatèca André-Malraux.
Accessibilitat dels publics en situacion de handicap
Las personas de la mobilitat redusida o en situacion de handicap pòdon beneficiar s’o vòlon d’un accès adaptat a la Mediatèca del CIRDÒC e a sos diferents servicis.
Nòstra còla se ten a la vòstra disposicion per melhorar la qualitat de l’acuèlh, dels servicis e dels equipaments de la Mediatèca. Per nos far part de vòstras demandas o remarcas, trantalhetz pas a nos contactar o sollicitar un rendètz-vos.
- Accès adaptats
Estacionament visitaire
Accès al 1 bis baloard Bertrand Du Guesclin, darrièr lo bastiment.
Lo parc d’estacionament es dotat d’un emplaçament reservat. Un accès dirècte a l’acuèlh e als estatges es assegurat per ascensor dempuèi l’estacionament (se senhalar a l’interfòn).
Dintrada Mediatèca (dintrada del public)
La dintrada de la Mediatèca del CIRDÒC se fa sus la plaça del 14-Juillet, per una ampla via pedona desservida per de rampas d’accès.
La plaça del 14-Juillet es dirèctament desservida per las linhas de bus B, 10 e 12 (ret de transpòrts Besièrs-Mediterranèa BeeMob, arrèst « Médiathèque »). - Equipaments
L’accès a totes los estatges e a totes los servicis (burèus, espacis de mòstra, salas de lectura, de recèrca, d’acamp) es assegurat per un ascensor.
Los mòbles e los equipaments informatics son adaptats a las personas en fautuèlh.
D’agents son a la vòstra disposicion dins totes los espacis publics per vos orientar e vos ajudar.
L’accès a la Mediatèca es autorizat als cans guidas d’òrb o d’assisténcia.
Visita virtuala
