Los servicis del CIRDOC – Institut occitan de Cultura contunhan

En conformitat amb las directivas governamentalas, la Mediatèca es clavada per una durada indeterminada
De mai los sites de la Mediatèca (Besièrs) e de l’Etnopòle (site de Vilhèra) aculhiràn pas mai de public e adòptan lo teletrabalh fins a novèl òrdre.

La còla tota demòra a vòstra disposicion per corric sus l’adreça de cada agent o sus secretariat@oc-cultura.eu.

Contunharem de faire tot çò possible per que poscatz profechar en çò vòstre de totjorn mai de contenguts de qualitat, en occitan e sus la cultura occitana.

Los servicis contunhan en linha sus :
oc-cultura.eu / occitanica.eu

Rendètz-vos sus las rets socialas ont las bibliotecàrias, las responsablas de colleccions e los responsables web del CIRDÒC – Institut occitan de cultura trabalhan de pè e d’ongla per partejar amb vosautres lors seleccions entre los milierats de ressorças disponiblas sus Occitanica – Portal Collectiu de la Lenga e de la Cultura Occitanas

Descobrir tota l’ofèrta de servicis del CIRDÒC – Institut occitan de Cultura

Mainatjatz-vos e a lèu lèu.