Serada totemica : projeccion e exposicion a l’entorn dels animals totemics
Date / Heure
Date(s) - 8 abril 2022
18:30 - 20:00
Lieu
Mediatèca occitana (CIRDOC-Béziers)
Catégories
Lo 8 d’abrial venent, venètz assistir a una serada totemica de las bèlas a la Mediatèca occitana, a l’escasença de la projeccion del filme cort « La Baragònha, l’esprit des lieux » del realizator Olivier Guérin. Rodat pendent los qualques meses qu’an precedit lo maridatge festiu de la Baragònha e del Tamaron (julhet de 2021), lo documentari conta pas a pas aquela aventura umana e convida lo public a descobrir aital, l’ample e ric monde dels animals totemics e sos actors multiples e engatjats.
La projeccion serà seguida del vernissatge de la mòstra “Animaux totémiques : bestiari legendari”. Coproduita pel CRED de Valhan e lo CIRDÒC – Institut occitan de cultura sus de tèxtes d’Adèle Guillon, aquela propausa un torn d’orizont d’una vintenat de totèms, cruscats per l’artista Jane Appleton.
Un temps musical vendrà clavar la serada mercés a la participacion de la Farandole biterroise.
“La Baragònha, l’esprit des lieux ” – projeccion del documentari d’Olivier Guérin (2021)
La Baragònha pren son nom d’una vièlha istòria de Sant Cristòl que los ancians contavan als enfants per los espaurir per fin que se sarren pas tròp del potz del vilatge. Lo mostre aviá a la debuta qu’un nom, caliá lui balhar un còs. En 2013, una associacion s’i emplega, fasent créisser la granda familha dels animals totemics d’un avatar novèl, e federant etapa après etapa, las iniciativas e las energias de la ciutat d’Erau.
Dels primièrs jorns de l’animal fins a son maridatge amb lo Tamarou, en passent per los talhièrs nombroses portats pels Amics de la Baragònha o per la Federacion totemica, la camèra d’Olivier Guérin liura una aventura umana, la d’un grope e al-delà, desvèla l’esperit dels luòcs.
INFORMACIONS PRACTICAS
Lo divendres 8 d’abril a 18h30 a la Mediatèca occitana.
Entrada gratuita sus reservacion alprès de : info@oc-cultura.eu / 0467118510
