Rendètz-vous en Agde lo 4 de mai per la 3ena Passejada Literària
Date / Heure
Date(s) - 4 Mai 2018
9:00 - 16:00
Lieu
Palais des Congrès d'Agde
Catégories
Per la 3ena annada, la Calandreta d’Agde, en partenariat amb lo CIRDÒC e Lectura & Òc, vos convida en Agde per una granda fèsta a l’entorn del libre joinesa en occitan.
La Calandreta d’Agde (34) organiza cada annada un prèmi literari que convida los joves lectors a votar per l’obratge qu’aiman mièlhs entre una seleccion d’òbras en occitan. Aital, es una jurada de mai de 1 000 joves lectors que balhan aquel “Prèmi literari Calandreta”. La proclamacion de las resultas es l’escasença per una granda jornada de fèsta, de rencontre amb los autors e d’escambis a l’entorn del plaser de legir : la Passejada literària. Ongan, son prèp de 500 escolans (23 classas) que son esperats per rencontrar 15 autors !
Passejada Literària 2018 en Agde
Divendres 4 de mai de 2018
Programa de las animacions escolaras : 9:00-16:00, amb la participacion de 15 autors
13:30 : remèsa del Prèmi Literari Calandreta
A la Pineda (darrièr lo Musèu de l’Efèb)
14:30 – Teatre : Pèire Petit per la Rampe-TIO al Palais des Congrès
Representacion gratuita obèrta al public – Reservacions alprèp del CIRDÒC
D’aprèp Petit Pierre, una pèça de Suzanne Lebeau, e Le Manège de Petit Pierre de Michel Piquemal, revirat en occitan per Sèrgi Carles.
Gilles Buonomo descobrís la version occitana Lo Manètge de Pichòt Pèire : d’aquí naisserà l’enveja d’adaptar aquel tèxte pèl teatre ! Aquí avèm un poèma long que s’escota, un monològ contat a doas voses ont se mesclan l’istòria granda e l’istòria pichona : Pierre Avezard, dich « Pèire Petit » fàcia al mond que s’embala : las guèrras, las crisis, la modernitat…
Sord-mut e bòrni de naissença, Pierre Avezard exerça d’activitats de vaquièr e de boscassièr dins de bòrias dins lo Loiret. Tre 1947 (a 28 ans), comença la realizacion de son òbra mai coneguda, lo « manètge de Pèire Petit » a la Coinche, la bòria ont s’installa definitivament. Es aquesta vida que los dos comedians (Gilles Buonomo e Ives Durand) contan sus scèna : la d’un enfant puèi d’un òme « diferent ». Dison sa vida coma un conte simplòt e doncas, de còps, crudèl.
