“Ni ici ni là-bas” – Sortida de residéncia | CIRDOC

Date / Heure
Date(s) - 3 Febrièr 2023
18:30 - 20:00

Lieu
Mediatèca occitana (CIRDOC-Béziers)

Catégories

PRESENTACION

« Ni ici ni là bas » balha la paraula a doas femnas, doas “estrangièras” que faguèron la causida de viure en França e qu’onoran a l’encòp la cultura de lor país d’origina e la d’Occitània, que las a aculhidas.

Ania Wasniowska, polonesa d’origina, decidís a 19 ans de venir s’installar en França per sa passion, lo teatre. Pausa sas valisas en Occitània, descobrant una tèrra e al-delà, una lenga e una cultura (l’occitan), tradicions e una istòria qu’incarna e transmet a son torn, al sen de sas diferentas companhiás (Matrioshka et Cie, Théâtre des Origines).

Emily Moroney, americana, es arribada en França enfant, dins las piadas de sa maire, doctoranta en literatura francesa. La debuta d’une vida novèla finalament destinada a durar.

Totas doas, se son reconegudas dins lor percors e sustot, dins lor experiéncia de vida. Una meteissa “estranhesa” qu’aquela creacion se propausa de questionar, interrogant al-delà, las nocions d’identitat, de lenga, d’apartenància mas tanben de transmission.

Aculhida un primièr còp en genièr a la Mediatèca occitana (CIRDOC, Besièrs), aquela residéncia artistica se perseguirà a la prima a Somèiras amb lo sosten de l’associacion Coriandre, dins lo quadre de la residéncia crozada iniciada pels dos partenaris en ligam amb lo festenal Les Trad’hivernales.

Aquela serada serà debutada per la restitucion del talhièr sus la dobla cultura menat pendent la dimenjada “Ni ici ni là bas” lo 7 de genièr e 8 de genièr de Pesenàs.