« Las Desvelhadas – tornar sus un miei-sègle d’etnografia musicau en França (1939-1984) » lo 8 de noveme a Arudi.
Date / Heure
Date(s) - 8 Novembre 2022
0:00
Catégories
Pendent las decennias qui estón autant las de la “fin deus paisans » com las de las “trenta gloriosas”, Claudie Marcel-Dubois (1913-1989) e Maguy Pichonnet-Andral (1922-2004), duas cercairas deu CNRS membras deu Centre d’etnologia francesa, lo laboratòri incorporat au musèu de las arts e tradicions popularas, qu’an corrut la França rurau e los otramars entà enquestar sus las practicas musicaus, qui èran majoritàriament lo hèit de non-professionaus, e la lor insercion dens la vita vitanta de las comunautats vilatgesas.
Lo CIRDÒC-Institut occitan de Cultura, associat dens l’afranquida d’enriquiment de las metadonadas descriptivas deus archius sonòres e textuaus e coproducteur de la mustra «Trucs», qu’ei partenari d’aquera etapa deu seminari itinerant.
Dimars 8 de noveme vrèspe Musèu d’Aussau (Arudi)
Aquera session, obèrta aus publics, qu’a com títol : Las recèrcas organologicas deus etnomusicològues deu Centre d’etnologia francesa (2au apròchi) : esquiras e condicionament sonòre deu bestiar. Shiulaires e lengatge shiulat en Vath d’Aussau – Patrimòni tindaire e transmission de l’occitan.
La session que comprenerà tanben ua visita comentada de la mustra «Trucs» e la presentacion d’ua creacion musicau de la Companhia Hart Brut.
Tà’n saber mei suu seminari itinerant sus :
https://www.ehess.fr/fr/global-ehess/s%C3%A9minaire-itin%C3%A9rant-r%C3%A9veill%C3%A9es
