« Las paraulas estèlan la nuèit » – Eveniment poetic en linha
Date / Heure
Date(s) - 21 genièr 2021
17:30 - 23:30
Catégories
A l’escasença de las Nuèits de la lectura de 2021, lo CIRDÒC – Institut occitan de cultura metrà a l’onor las voses occitanas de la literatura en vos propausant una seria de publicacions e de contenguts numerics dedicats a qualques-unas de las figuras artisticas e intellectualas occitanas dels sègles XX e XXI.
Lo 21 de genièr que ven a partir de 17h30 sus la pagina Facebook de l’establiment (@oc.cultura), daissatz las paraulas d’aquelas femnas e d’aqueles òmes estelar la vòstras nuèits.
Faire viure la lenga d’òc dins l’espaci urban
En fin d’annada darrièra, una seria novèla de retraits d’autor.as e artistas occitan.as son venguts ornar las parets de la Mediatèca occitana, ja rica de las fotographias de Leon Còrdas, Ròbert Lafont e Max Roqueta.
Los retraits presentats regropan un ensemble d’autor.as e d’intellectual.as occitan.as qu’an al cors dels sègles XX e XIX, contribuit a renovar la pensada e la societat occitanas per lors escrits, lors accions e lors presas de posicion. Una seleccion, per definicion non exaustiva, que lo CIRDÒC – Institut occitan de cultura a pensada coma un ensemble de personalitats emblematicas, tan masculins que femenins, eissits de las quatre extremitats d’Occitània lingüistica e culturala. Ròbert Lafont, coma lingüista, dialòga aital amb la cantaira Rosina de Pèira o los poètas Fèlix-Marcel Castan e Marcela Delpastre.
Lo 21 de genièr de 2021 a partir de 17h30 : seguissètz l’eveniment numeric, « Las paraulas estèlan la nuèit »
Lo 21 de genièr en fin de jornada sus la pagina Facebook de l’eveniment, vos propausarem una seria de publicacions numericas e de lecturas captadas. Una serada pensada en tres temps.
Descobriretz d’en primièr los retraits d’aquelas 9 personalitats tan coma qualques extraits de lors tèxtes emblematics, registrats per l’escasença per una seria de convidats que nos an portats lor concors.
Una edicion de 2021 de las Nuèits de la lectura tot particularament dedicada a las voses poeticas femeninas, amb una atencion particulara donada a las òbras d’aquelas que siá Marcela Delpastre, Loïsa Paulin, Rosina de Pèira… e ben d’autras ! En efèit l’eveniment aculhirà tanben la jove autora Pauline Kamakine a l’entorn de l’antologia Paraulas de hemnas pareguda en 2020 a las edicions Reclams e que met a l’onor de representantas nombrosas de la poesia occitana contemporanèa.
La serada se perseguirà en seguida en una scena dobèrta, qu’ofrirà una veirina als autor.as actual.las mas tanben als lectors de tot orizont.
Partejatz vòstres melhors moments de lectura poetica
A l’escasença de la tot a primièra edicion de la Nuèit de la lectura, la Mediatèca occitana vos convidava a partejar vòstres melhors instants d’evasion literaria. Ongan de nòu, somiem ensemble d’alhors poetics. Esitetz pas a publicar sus la paret de la pagina facebook CIRDÒC – Institut occitan de cultura, vòstres còps de còr poetic occitan jos forma de captacions vidèos o sonòras (fichièrs corts, d’una minuta environ, amb sorsa del tèxte : autor.a, títol e editor).
INFORMACIONS PRACTICAS
Lo 21/01/2021 a partir de 17h30 sus Facebook : @oc.cultura.eu
Accès liure e gratuit.









