« La Vida » – Presentacion musicala del CD e de l’obratge d’Eric Fraj
Date / Heure
Date(s) - 10 Novembre 2022
18:30 - 20:00
Catégories
PRESENTACION
Per celebrar los 50 ans de cançon d’Eric FRAJ, una carrièra rica de creacion musicala e poetica, las edicions TRÒBA VOX editèron per torn, a la prima d’ongan, doas òbras novèlas de l’artista : un album de creacions ineditas (« La vida », 3 CD) e un recuèlh eponime de totes los tèxtes de cançons qu’escriguèt entre 1971 e 2021.
Lo 10 de novembre que ven, venètz encontrar lor autor, per una presentacion legida o cantada de qualques unas d’aquelas cançons, extraitas d’una o l’autra de las doas òbras. Acompanhat pel talentuós Morgan Astruc, Eric Fraj vos prepausa de caminar amb el a l’ombra de las fustadas, jos l’agait complici dels poètas e de las poetessas qu’afecciona (Bodon, Lorca, Villon, Roqueta (Max), Domenica Decomps, Danièla Estèbe-Hoursiangou, Robèrt Martí, etc.), que lors tèxtes li obriguèron un vertadièr camin noirissièr.
INFORMACIONS PRACTICAS
En partenariat amb las edicions Tròba Vox.
Lo dijòus 10 de novembre 2022 a 18h30 a la Mediatèca occitana (CIRDÒC, Besièrs).
Entrada gratuita sus inscripcion : secretariat@oc-cultura.eu / 04.67.11.85.10.
