Mustra “Caminar, navigar, escambiar : la carte et le territoire à l’âge des troubadours” (site de Vilhèra-Etnopòle)

Date / Heure
Date(s) - 17 Setembre 2021 - 18 Setembre 2021
14:00 - 18:00

Catégories

Un eveniment dens l’encastre de las Jornadas Europèas deu Patrimòni.

Dab la mustra “Caminar, Navigar, Escambiar”, lo CIRDÒC – Institut occitan de cultura que torna visitar l’atge d’aur de la lirica occitana. D’eveniments en lòcs, de circulacions en encontres, de personalitats en pèças de compte har, territòris en moviment que’s descobreishen, caracteristics d’ua civilizacion singulara.
Societats deu passatge e de l’escambi, los país de lenga d’òc que’s hèn los testimònis, dinc a la fin deu sègle XIVau, d’un espaci culturau transpirenenc qui’s vira de cap entaus orients, e qui s’organiza per ligams feudaus rafinejats e portadors d’epopèias comunas.
Aquestas apartenéncias nomadas que son evocadas dens un camin de visita qui balha a las ilustracions cartograficas, visuaus e sonòras ua plaça de tria.
Entà cada entrada tematica, conferéncias « de pòcha » que son hicadas a dispausicion deus visitaires, completadas dab talhèrs e conferéncias sus sites (arqueo-luteria, canta medievau, manuscrits…), entà identificar au miei d’aquestas evocacions istoricas, vertadèras e a còps fantasmadas, las traças d’ua inspiracion partatjada.

> Divés 17 de seteme (10h-18h) / Dissabte 18 de seteme (10h-18h) : Mustra “Caminar, navigar, escambiar : la carte et le territoire à l’âge des troubadours”
Accès libre e a gratis (deb presentacion deu pass sanitari).
NB : Portatz lo vòste telefonet e los vòstes escotaders tà contenguts complementaris.

> Dissabte 18 de seteme (11h-12h) : Batalèra-encontre dab Maurici Romièu (lingüista, ancian mèste de conferéncias a l’Universitat de Pau e deus País de l’Ador) suu manuscrit de l’Elucidari de las proprietatz de totas res naturals, encyclopèdia deu sègle XIIIau de Barthémy l’Anglais arrevirada en occitan entà Gaston Febus.
Eveniment a gratis sus inscripcion au 05 59 13 06 40 / ma.nicaise@oc-cultura.eu