Estivada 2022 – Festival interregional de las culturas occitanas : Los rdv de la Mediatèca occitana
Date / Heure
Date(s) - 21 Julh 2022 - 23 Julh 2022
0:00
Lieu
Rodez
Catégories
Del 21 al 23 de julhet de 2022, retrobatz
lo CIRDOC – Institut occitan de cultura à l’Estivada de Rodez
Lo CIRDÒC – Institut occitan de cultura vos convida a una programacion culturala variada per descobrir actor.a.s de la vida culturala e literària occitana d’uèi. Ongan, tota la programacion nòstra se farà de matin, per profeitar de la frescor e d’un cafè partejat.
Rendètz-vos de mancar pas, que vos son presentats aquí.
Dejunars literaris : Rencontres a l’entorn de l’actualitat de l’edicion occitana – espaci editors / Sala de las fèstas de Rodés
Un còp fa pas lei, los aperitius literaris venon los « dejunars literaris ». Prendretz ven una briga de literatura amb lo vòstre cafè ?
Acuèlh tre 9 oras e debuta del Dejunar literari a 9o30. Pendent aquel temps d’acuèlh, autors e editors presents sul salon vendràn vos presentar una seleccion tirada de lor catalòg e begudas caudas vos seràn propausadas.
Divendres 22/07 – 09h00-10h30 – Espaci editors : Plaça a las femnas !
Amb Maëlle Dupon (Vènus a l’Escorpion, Ed. Reclams) e Chantal Fraisse (Lo salme de l’aganit, Ed. L’aucèu libre), e la participacion de Marine Mazars. Taula redonda menada per la Marie-Jeanne Verny, professora emerita (Universitat Paul-Valéry Montpelhièr III).
Dissabte 23/07 – 09h00-10h30 – Espaci editors : Lo polar occitan
Amb Joan Ganhaire (Enquestas de pas creire, Rendetz-vos au cementeri, Ed. Novelum-IEO), Jòrdi Peladan (Coma un cadavre al riu getat, IEO Edicion) e Florian Vernet (Metaf(r)iccions a Collisioncity, IEO Edicion). Taula redonda menada per la Marie-Jeanne Verny, professora emerita (Universitat Paul-Valéry Montpelhièr III).
Espectacles /Archius departamentals d’Avairon
Divendres 22/07 – 11h : Saraï – Amb Juliette Minvielle, Sophie Cavez e Baltazar Montanaro
A partir de poèmas escrits per Aurèlia Lassaca e d’una seleccion de tèxtes seleccionats dins los fonzes del CIRDÒC – Institut occitan de cultura, lo triò, compausat de Juliette Minvielle, Sophie Cavez e Baltazar Montanaro, abordarà la feminitat dins çò qu’ai de mai dirècte, del punt de vista de las femnas e pas fantasmada pel prisma dels òmes.
Articulada a l’entorn de la votz de Juliette Minvielle (cant e tambornet), la construccion musicala serà basada sul dialòg e sus las proposicions comunas, a egalitat. Mentre que la diversitat musicala propausada per Sophie Cavez se maridarà amb la votz e las percussions de Juliette, lo violon bariton jogarà lo ròtle de ligam dins las bassas, coma testimòni d’aquel dialòg.
La musica de Saraï se vòl contemporanèa, populara al sense de la proximitat amb la tèrra, lo pòble, sociala e universala dins son discors.
Dissabte 23/07 – 11h : Serr – Amb Clément Gauthier, Thomas Lippens e Guilhem Lacroux
En arab, Serr es lo secrèt. en occitan, Sere, es la clartat matinala.
Lo projècte musical Serr propausa la fusion en clar-e-brun de l’ombra e del lum, nocions tan caras als trobadors, per fin de desvelar çò que pòt pas èsser regardat en fàcia, en enigmas, jòcs de mots e d’imatges… Sus la basa+ d’un ensemble de cansos eritat dels trobadors, los artistas se lançan dins un quista que questiona lo sens poetic prigond d’aquel repertòri aitant que son ligam amb la musica : modalitat, oralitat, periodicitat. Motz e so, lo mot e lo son.
La programacion complèta del festenal en linha : estivada22
