« Es Nadalet » – Abans-primièra en linha de l’emission dedicada al Nadal occitan
Date / Heure
Date(s) - 17 Decembre 2020
18:30 - 19:45
Catégories
Per fin de clavar l’annada de 2020 sus una nòta poetica e positiva, lo CIRDÒC – Institut occitan de cultura a desirat mantene son tradicional eveniment de fin d’annada en recampant a son entorn, artistas e sòcis.
Es a un Nadalet numeric que lo Centre, Òctele, l’Agéncia Sirventés, la Companhia Hart Brut e l’Associacion dels Amics del CIRDÒC vos convidan lo 17 de decembre que ven sus lors paginas Facebook respectivas. Perseguissent son entrepresa d’exploracion de las tradicions de Nadal, aquela edicion s’estacarà a l’exploracion d’un dels classics del repertòri provençal del sègle XVIIe, le Nouvé dei Boumians.
Roland Pécout, Malika Verlaguet e Frederic Mascaro e enfin Romain Baudoin, intervendràn torn a torn en vidèo, cadun dins son art e a sa manèira, a l’entorn del Bomian, figura centrala d’aquela edicion 2020 mai que jamai dedicada a las arts, a la creacion e al dialòg de las culturas.
Informacions practicas
L’eveniment, realizat jos la forma d’un filme per l’escasença serà presentat en abans-primièra lo dijòus 17 de decembre a 18h30 sus las paginas facebook dels partenaris de l’eveniment :
https://www.facebook.com/oc.cultura
https://www.facebook.com/octele
Serà en seguida presentat suls portals numerics : occitanica.eu et octele.com









