Crida a candidatura liura – Residéncia de creacion artistica
Date / Heure
Date(s) - 26 Març 2021 - 30 abril 2021
0:00
Catégories
Lo CIRDÒC – Institut occitan de cultura : sosten a la creacion en occitan
Lo CIRDÒC – Institut occitan de cultura a per mission la salvagarda, la coneissença e la promocion de la cultura occitana. La creacion artistica representa un vector important que contribuís directament als programas d’accion del CIRDÒC – Institut occitan de cultura en matèria de valorizacion e de desvolopament cultural, en particulièr dins lo cas de projèctes :
– qu’òbran al renovèlament de las coneissenças e dels agaches portats sus las òbras e documents que constituísson las colleccions del Centre ;
– que participan a la valorizacion de las colleccions e mai largament del patrimòni cultural occitan vèrs de publics novèls en França e a l’internacional ; – que constituísson d’accions de transmission de las expressions, practicas e saber-far que relèvan del patrimòni cultural immaterial occitan ; – que participan al renovèlament e a l’enriquiment de las expressions culturalas e intellectualas occitanas, de las capacitats de la lenga occitana e de sos usatgièrs (artistas, practicians, participants e publics) a exprimir una concepcion a l’encòp originala e universala del monde contemporanèu. L’acuèlh d’una residéncia artistica al CIRDÒC – Institut occitan de cultura es concebuda coma un acte de cooperacion entre l’establiment, sas equipas e los artistas e intervenents aculhits. Son organizacion deu visar a l’escambi e al partatge d’informacions, de competéncias e de coneissenças.
– qu’òbran al renovèlament de las coneissenças e dels agaches portats sus las òbras e documents que constituísson las colleccions del Centre ;
– que participan a la valorizacion de las colleccions e mai largament del patrimòni cultural occitan vèrs de publics novèls en França e a l’internacional ; – que constituísson d’accions de transmission de las expressions, practicas e saber-far que relèvan del patrimòni cultural immaterial occitan ; – que participan al renovèlament e a l’enriquiment de las expressions culturalas e intellectualas occitanas, de las capacitats de la lenga occitana e de sos usatgièrs (artistas, practicians, participants e publics) a exprimir una concepcion a l’encòp originala e universala del monde contemporanèu. L’acuèlh d’una residéncia artistica al CIRDÒC – Institut occitan de cultura es concebuda coma un acte de cooperacion entre l’establiment, sas equipas e los artistas e intervenents aculhits. Son organizacion deu visar a l’escambi e al partatge d’informacions, de competéncias e de coneissenças.
Candidats
An accès a la presenta crida a projècte :
– tot artista o gropa d’artistas occitanofònes o pas, dins la mesura ont lo projècte artistica pòrta sus l’occitan lenga e/o cultura ;
– tot projècte de residéncia de recèrca o d’escritura. Seràn pas pres en compta los projèctes artistics de mesa en espaci o en lum, que los espacis restrents del CIRDÒC – Institut occitan de cultura sauprián pas respóner als besonhs.
de projèctes que propausan una vision innovanta e actuala de la lenga e de la cultura occitanas, propausan notadament lo rencontre amb d’autras culturas, l’adaptacion e la transmission del patrimòni cultural occitan e/o l’usatge dels mòdes d’expressions inedits.
Objècte de la residéncia :
Projèctes de creacion liuras – lo.a.s artistas seràn menat.da.s a propausar la creacion de lor causida, sens tematica impausada.
Condicions d’acuèlhs e engatjaments respectius :
Le detalh de la presa en carga es a descobrir mercés a la carta d’acuèlh de las residéncias : AQUI
Dobèrtura de las candidaturas per l’acuèlh de residéncia de creacion – Darrièr trimèstre de 2021
Modalitats de candidatura
Dorsièr de candidatura :
Per cadun lo.a.s artistas deuràn propausar un dorsièr que comprendrà :
– Presentacion del projècte artistic jos la forma d’una nòta d’intencion :
– forma, objectius, contenguts e collaboracions,
– modalitat de relacions entre lo projècte e los publics
– enjòcs e rasons de sa tenguda al CIRDÒC – Institut occitan de cultura
– Presentacion e percors de la companhiá / tropa / artista e de sas precendentas creacions
– Corta presentacion tecnica del projècte e elements tecnics desirats
– Budgèt previsional detalhat, qu’inclurà d’eventuals co-finançaments (recebuts e en cors)
– Proposicion de datas de residéncia (dins lo periòde determinat)
– Detalh dels artistas associats e qualques linhas de CV,
– Lista dels difusaires potencials e qu’an mostrat un interès per la creacion
– Detalh de las despensas envisatjadas dins lo quadre de la residéncia.
Mandadís de la candidatura :
Mandadís del dorsièr complèt per mèl a l’adreça : residences@oc-cultura.eu del 26 de març al 30 d’abrial de 2021.
Entresenhas : Sandra Juan, responsabla cooperacion e servicis als pros : s.juan@oc-cultura.eu / 04.67.11.85.10.
Prene coneissença de la carta d’acuèlh de las residéncias artistica dins son integralitat : AQUI
