Chronos, cinè-concèrt a Besièrs (15/06) e Bisan de Menerbés (16/06)
Date / Heure
Date(s) - 15 Junh 2018 - 16 Junh 2018
Toute la journée
Lieu
Théâtre sortieOuest - domaine de Bayssan le Haut
Catégories
Los musicians del collectiu Asuelh e la videasta Catherine Legrand cabussèron lor agach e lors emocions dins las desenadas d’oras d’archius filmats del fons Michel Cans conservat al CIRDÒC. Dins las annadas 1950-1960 lo fotograf e videasta ben conegut dels Besierencs aviá plantat sa camèra dins los vilatges d’Erau. En daissant de caire monuments e païsatges al profièch dels gents, de las caras e dels agaches preses dins l’instantanèu e lo desòrdre de la vida, sens ges de montatge nimai de scenari, Michel Cans nos a daissat un document unenc e esmovent. Sos filmes constituisson una vertadièra immersion dins un monde familiar e luènh a l’encòp, que Maria Roanet evoquèt amb omenatge dins son roman Année blanche.
Asuelh e Catherine Legrand n’an sortit una odissèa poetica e musicala : Chronos, un cinè-concèrt d’una delicadesa extrèma e d’una emocion prigonda per la tropelada dels anonims qu’abitan tornamai, lo temps d’una projeccion, aqueste país e aquestes luòcs que nos son tan familiars.
En aqueste mes de junh, dins lo quadre de Total Festum 2018, lo CIRDÒC es partenari de doas representacions excepcionalas del cinè-concèrt Chronos
Lo divendres 15 de junh – Besièrs – Sortie Ouest / Domaine de Bayssan
Reservacions e infòs sus LaFaBrica : aquí
Lo dissabte 16 de junh – Bisan de Menerbés – Dins lo quadre de la Fèsta del lum / Total Festum 2018
Totas las infòs sus LaFaBrica : aquí
