Chapiteaux du livre 2021 – programacion del CIRDÒC-Institut occitan de cultura
Date / Heure
Date(s) - 1 Octobre 2021 - 3 Octobre 2021
0:00
Lieu
Théâtre sortieOuest - domaine de Bayssan le Haut
Catégories
Partenari d’aquela novèla edicion dels Chapiteaux du livre (Domaine de Bayssan, 34), lo CIRDÒC – Institut occitan de cultura vos aculhirà per descobrir la cultura e la literatura occitanas actualas al travèrs de tres accions fars.
Lo 2 d’octòbre a 15h45 – Espaci Zen – Conferéncia de Marie-France Fourcadier « Louisa Paulin, regard de femme »
Los 2 e 3 d’octòbre – Talhièr escritura occitana
Metètz-vos a escriure amb aquel talhièr d’iniciacion en occitan orquestrat pel Florian Vernet (Qualques nòvas d’Endacòm mai, Miraus escurs, Fin de partida,Vidas e engranatges, Contes a rebors… ). Vos propausarà un ensemble d’activitats d’escritura e de claus per fin de recampar las vòstras idèias e compausar un raconte, dins una varietat d’estils e de genres, e de balhar al vòstre desir d’escriure sa(s) primièra(s) realizacions… O benlèu qu’avètz ja un projècte personal ? Partatjatz enseguida la produccion del jorn amb lo grop, dins un escambi convivial sens cap de dobte portaire d’emulacion e d’inspiracion.
L’enveja de perseguir l’aventura als nòstres costats ? Lo CIRDÒC – Institut occitan de cultura vos propausarà a la prima que ven, una masterclass inedita. Mai d’entresenhas de venir sul site : oc-cultura.eu
Lo 02/10 : 14h-16h00 – sus inscripcion prealabla alprèp del CIRDÒC – Institut occitan de cultura : 04.67.11.85.10 / infos@oc-cultura.eu
Lo 03/10 : 10h30-12h30 – sus inscripcion prealabla alprèp del CIRDÒC – Institut occitan de cultura : 04.67.11.85.10 / infos@oc-cultura.eu
Los 2 e 3 d’octòbre – La Bibliotèca efemèra del CIRDOC – Institut occitan de cultura
Venètz vos repausar dins las d’ara enlà incontornablas cadièras de la Bibliotèca efemèra de la Mediatèca occitana (CIRDÒC, Besièrs). Tota la familha poirà pescar dins los obratges propausats sus l’estandi per descobrir l’occitan, sa lenga, sa cultura e plan segur, sa literatura. E per destendre tanben las vòstras aurelhas, ensajatz la “musicoterapia” occitana, mercés a las nòstras sonòras.
Descobrir tot lo programa dels Chapiteaux du livre : Lèu.
