Amassada generala annuala dels Amics del CIRDÒC
Date / Heure
Date(s) - 14 Decembre 2018
18:00 - 20:00
Lieu
Lo CIRDÒC
Catégories
L’associacion dels Amics del CIRDÒC vos convida a son amassada generala annuala divendres 14 de decembre a 18h, seguida d’un concèrt d’Arnaud Cance a 19h.
Creada en 2016 e comptant ja mai de 350 membres, l’associacion s’es donada coma objectiu d’èsser als costats del CIRDÒC per l’ajudar a enriquesir e a valorizar sas colleccions, e tanben l’acompanhar dins totas sas activitats.
L’associacion es independenta, a tanben vocacion a representar los utilizators, los publics, los actors del territòri dins l’amira d’ajudar lo CIRDÒC a desvolopar son ofèrta de servicis e sas accions.
Dempuèi l’origina, la Mediatèca occitana es una institucion participativa que deu a la mobilizacion ciutadana una granda part de sas colleccions, mas tanben de la de la definicion originala de son ròtle al mai pròche dels besonhs de la societat. Lo CIRDÒC se regaudís de poder bastir aital dins l’avenidor un dialòg permanent amb de representants de sos utilizators e partenaris per tal de melhorar son ofèrta.
L’amassada generala es dobèrta a totas aquelas e totes aqueles que vòlon conéisser melhor l’institucion e contribuir a son avenidor.
Divendres 14 de decembre, 18h, auditòri Robèrt Lafont al CIRDÒC plaça del 14-Juillet a Besièrs
Ne saber mai sus l’associacion / aderir : http://www.amicsdelcirdoc.com/
