AG 2020 de l’Associacion dels Amics del CIRDÒC
Date / Heure
Date(s) - 16 Novembre 2020 - 6 Decembre 2020
8:00
Catégories
Bilanç de 2020 et AG de l’associacion
Coma fòrças associacions, l’annada de 2020 èra complicada e la COVID a perturbat lo bon foncionament dels Amics del CIRDÒC. Trobaretz en pèças juntas lo compte rendut de la precedenta assemblada generala e lo bilanç financièr, e constataretz que pas un dels projèctes votats en decembre darrièr a pogut èsser mes en òbra. En tenent compta de l’estat d’urgéncia sanitària, l’assemblada generala venenta se farà jos la forma d’una consultacion a distància, per mèl, coma l’es previst dins los estatuts de l’associacion. Seretz tenguts informats de las modalitats d’aicí la debuta de decembre. La tradicionala serada del «Nadalet» del CIRDOC – Institut occitan de cultura, que l’associacion i es associada dempuèi quatre ans, se farà tanben d’un biais virtual, amb lo sosten dels Amics.
Crida a adhesion
L’associacion dels Amics del CIRDÒC necessita l’adesion e la participacion del mai grand nombre per contunhar sas activitats e manténer en 2021, las borsas de cèrca e de creacion. A notadament besonh d’aderents disposats a s’investir per renovelar lo Conselh d’Administracion e lo burèu. Es la rason per la quala, los Amics del CIRDÒC vos prègan de lor tornar enviar vòstra adesion per fin de poder participar a l’assemblada generala de decembre que ven. Tre ara, podètz vos manifestar se desiratz despausar la vòstra candidatura al conselh d’administracion de l’associacion.
INFORMACIONS PRACTICAS
Site dels Amics del CIRDÒC : http://www.amicsdelcirdoc.com/category/actualites/
Contacte e adesion : http://www.amicsdelcirdoc.com/adhesions/
Compte rendut de l’annada 2019 : Aquí









