8ens rencontres Maleta : “Lo viu dins ma classa”
Date / Heure
Date(s) - 29 Junh 2022
13:30 - 18:00
Lieu
Mediatèca occitana (CIRDOC-Béziers)
Catégories
Per sègre las presentacions en linha : https://adistancia.cfpoccitan.org/b/apr-ddu-yue
Coma cada annada, lo CIRDOC-Institut occitan de cultura e l’Institut superior d’ensenhament Aprene s’associan per propausar als ensenhaires un eveniment dedicat al retorn d’experiéncia, a l’escambi e a la mutualizacion de lors otisses e projèctes, a partir de las contribucions a l’espaci “Talhièrs” de la Maleta d’Occitanica.
Rendètz-vos lo dimècres 29 de junh de tantossada a la Mediatèca del CIRDÒC – Institut occitan de cultura
Ongan, la jornada se poirà tornar debanar en presencial (a Besièrs e a Pau) mas d’amenatjaments se poiràn faire per permetre de presentacions a distància.
13h30-16h : Presentacion de las novèlas contribucions a la Maleta d’Occitanica e dels projèctes mutualizats pels professors estagiaris d’APRENE
16h-18h : Lo viu dins ma classa
- Retorns d’experiéncias suls projèctes “Lenga viva, lenga del viu” e “Mon primièr erbièr de fuèlhas” : Jeanne-Marie VAZELLE, responsabla de las produccions educativas al CIRDOC – Institut occitan de cultura, e ensenhaires qu’an participat
- Joan Carles CODERC : un art “paretal”en resson amb l’environnament viu
- Florence MALAFOSSE : “Leonia Dòna L’Eriç, reportaira naturalista”
Mai dels projèctes novèls menats per d’ensenhairas dins l’encastre de lor annada d’estagi, vous prepausam d’escambiar sul tèma “Lo viu dins ma classa” : avètz menat un projècte partent de la mòstra Lenga viva, lenga del viu e/o de l’erbièr concebut pel CIRDÒC – Institut occitan de cultura ? Trabalhatz a l’entorn d’un vivarium, un òrt, la cortada dins vòstra esòla ? Per partejar vòstra experiéncia per aquesta jornada, esitetz pas a contactar lo departament Produccions e cooperacion educativas del CIRDÒC – Institut occitan de cultura : prod-edu@oc-cultura.eu
