6ens Rencontres Maleta de l’innovacion pedagogica : rendètz-vos en linha !
Date / Heure
Date(s) - 27 Mai 2020
18:00 - 19:30
Catégories
Adreça de la salla virtuala : http://adistancia.cfpoccitan.org/b/apr-wqh-fkw
Coma cada annada, lo CIRDÒC – Institut occitan de cultura e l’Institut superior d’ensenhament APRENE s’associan per propausar als ensenhaires un eveniment dedicat al retorn d’experiéncia, a l’escambi e a la mutualizacion de lors otisses e projèctes.
Ongan, 5 projèctes novèls menats per d’ensenhairas dins l’encastre de lor annada d’estagi de Professoras de las Escòlas a Calandreta seràn aital desvelats sus la Maleta d’Occitanica.
Melodia Barthe : Un libròt bilingüe que desira testimoniar del projècte Anem Defòra que foguèt botat en plaça per l’escòla Calandreta Jansemineta d’Agen, dempuèi 2017.
Aureli Berthelon : Una aisina per permetre als parents dels calandrons de prene contacte amb l’occitan amb “un mot per jorn”.
Celina Meunier : Una aisina d’avaloracion
interessanta per la mairala, lo portfolio numeric E-Carnet Maternelle, partatge de ressorgas e d’experiment per començar a utilizar aquela aplicacion. Elena Weisslinger : Las palancas foneticas, lor apòrt dins l’aprendissatge de la lectura a Calandreta.
Melodia Leymarie-Bellanger : Aisinas de lengatge a la mairala, anar pescar defòra per cosinar dedins.
2 professoras de La Bressola presentaràn tanben lors projèctes en catalan :
Laura Tarrius : Com posar el Consell (assemblea) a l’abast d’una classe de maternal.
Macarena Rodriguez Guionnet : Un binomi a cicle 1. La relació mestra-mainadera.
Enfin, las estudiantas APRENE1 presentaràn las ressorças a posita en linha a travèrs de lor produccion dins Shiula Floreta.
Lo contèxte particular d’aquesta fin d’annada nos mena a vos propausar de nos retrobar en linha per aquel eveniment.
Multiplicar las ocasions e los espacis d’escambis professionals nos sembla de primièra importància dins aquel periòde que los ensenhaires d’occitan e en occitan se tròban de còps isolats davant l’enjòc d’adaptar sas practicas tot en manténer, a distància, lo ligam dels escolans amb la lenga.
Per aquesta rason, lo 27 de mai de 18:00 a 19h30, vos balham rendètz-vos sus una sala virtuala per d’escambis… plan reals !
En mai de la presentacion dels projèctes , un temps d’escambis e de discutida serà propausat a totes los ensenhaires.
En seguida d’aquel eveniment, APRENE, en partenariat amb lo CIRDOC – Institut occitan de cultura, propausarà als ensenhaires de se tornar trapar cada dimècres del mes de junh per un cicle d’Obradors tematics.
L’eveniment serà public e se farà sens inscripcion. Accès : http://adistancia.cfpoccitan.org/b/apr-wqh-fkw









