Dins lo quadre de sa programacion en defòre e en resson a l'exposicion Femnas d'òc presentada del 06 al 27 de març, lo CIRDOC vos convida a descobrir l'espectacle Nannette ou l'arbre merveilleux a la mediatèca Grain d'Sel.
Espectacle familial amb Séverine Sarrias
Amb Nannette ou l'arbre merveilleux, Séverine Sarrias, nos entraina a la descobèrta dels contes tradicionals de Massís central.
I a dos sègles, portant jol braç sos dos enfants, la « Naneta » anava de vilatge en vilatge, vivent de l'almòina en contrapartida de sos racontes e de sos cants. Una eroïna singulara, que las qualques 120 pèças reculhidas nos son pervengudas. Son los testimoniatges de la prodigiosa memòria de Nannette Lévesque e tablèus precioses que dona a veire lo monde rural e la condicion femenina del sègle XIX.
Tastarem amb plaser, portats per la votz doça de Séverine Sarrias, contes de còps facecioses o meravilhoses, cançons - d'unas ineditas - interpretadas sus d'aires tradicionals o sus de musicas d'Arnaud Cance, e de temps de vida de la contaira de Mézenc.
