De las trobairises del sègle XII fins a las artistas e autoras d'ara, la mòstra Femnas d’Òc, l’occitan al femenin vos convida a descobrir mantuna figura que contribuïguèt a la transmission de la lenga e de la cultura occitanas.
Figuras femeninas miticas e legendàrias dels païses d'Òc, contairas, escrivanas del reviscòl literari occitan a partir del sègle XIX, femnas de teatre, militantas e cercairas… Tant de camins meses al lum per rendre omenatge a las que, a l’encòp femnas e locutrises d'una lenga minorizada, an patit una invisibilizacion dobla.
Un eveniment en partenariat amb la Médiathèque Grain d'sel de Carcassona.
